ಸರ್ಕಾರದಿಂದ ಮಾಧ್ಯಮ

ಕೋಲ್ಕತ್ತ (ಪಿಟಿಐ): ಸರ್ಕಾರದ ಕೆಲಸ ಕಾರ್ಯಗಳ ಬಗ್ಗೆ ಸಾರ್ವಜನಿಕರ ಗಮನ ಸೆಳೆಯುವ ಉದ್ದೇಶದಿಂದ ತಮ್ಮ ಸರ್ಕಾರ ತನ್ನದೇ ವೃತ್ತಪತ್ರಿಕೆ ಹಾಗೂ ಟಿ.ವಿ ವಾಹಿನಿಯನ್ನು ಹೊಂದಲಿದೆ ಎಂದು ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಶನಿವಾರ ಘೋಷಿಸಿದ್ದಾರೆ.



 `ದೈನಿಕ್ ಪಶ್ಚಿಮ್‌ಬಂಗ~ ಎಂಬ ಹೆಸರಿನ ಪತ್ರಿಕೆ ಆರಂಭವಾಗಲಿದ್ದು, ಟಿ.ವಿ ವಾಹಿನಿಗೂ `ಪಶ್ಚಿಮ್ ಬಂಗ~ ಎಂಬ ಹೆಸರನ್ನೇ ಇಡಲಾಗುತ್ತಿದೆ. `ಸರ್ಕಾರದ ಬಗ್ಗೆ ನಕಾರಾತ್ಮಕ ಸುದ್ದಿಗಳನ್ನೇ ಪ್ರಸಾರ ಮಾಡುವ ಮಾಧ್ಯಮಗಳು, ಒಳ್ಳೆಯ ಕೆಲಸಕ್ಕೆ ಹೆಚ್ಚು ಪ್ರಚಾರ ನೀಡುವುದಿಲ್ಲ. ಹೀಗಾಗಿ ಇಂತಹ ಕ್ರಮಕ್ಕೆ ಮುಂದಾಗಲಾಗಿದೆ~ ಎಂದು ಮಮತಾ ಸಮರ್ಥಿಸಿಕೊಂಡಿದ್ದಾರೆ.