<p><strong>ಕಿಕ್ಕೇರಿ: </strong>ಕಾವ್ಯಗಳಲ್ಲಿ ದಾಂಪತ್ಯದ ಸವಿಯನ್ನು ಕಟ್ಟಿ ಕೊಟ್ಟ ‘ಮೈಸೂರು ಮಲ್ಲಿಗೆ’ ಖ್ಯಾತಿಯ ಕೆಎಸ್ನ ಅವರಿಗೆ ಸೋಮವಾರ ಪಟ್ಟಣದಲ್ಲಿ ಭಿನ್ನರೀತಿಯ ಗಾಯನ ನಮನ ನಡೆಯಿತು.<br /> <br /> ಗ್ರಾಮೀಣ ಭಾಗದ ವಿವಿಧ ಶಾಲೆಗಳ 1,500ಕ್ಕೂ ಹೆಚ್ಚು ಮಕ್ಕಳು ಪ್ರೇಮಕವಿಯ ಜನಪ್ರಿಯ ಗೀತೆಗಳಿಗೆ ಧ್ವನಿಯಾಗುವ ಮೂಲಕ ಕವಿಯ ನೆನಪುಗಳನ್ನು ಕಟ್ಟಿಕೊಟ್ಟರು. ಇವರ ಜತೆಗೆ ವಿವಿಧ ಗಾಯಕರು ಕೆಎಸ್ನ ಗೀತೆಗಳನ್ನು ಹಾಡಿದರು.<br /> <br /> ಕೆ.ಎಸ್. ನರಸಿಂಹಸ್ವಾಮಿ ಅವರ ಹುಟ್ಟೂರಾದ ಕಿಕ್ಕೇರಿಯಲ್ಲಿ ಸೋಮವಾರ ಜರುಗಿದ ಕೆ.ಎಸ್.ನ ಜನ್ಮಶತಮಾನೋತ್ಸವ ಕಾರ್ಯಕ್ರಮ ಈ ಸಂಭ್ರಮಕ್ಕೆ ವೇದಿಕೆಯಾಯಿತು.<br /> <br /> ಉದ್ಘಾಟನಾ ಕಾರ್ಯಕ್ರಮದಲ್ಲಿ ಮಾತನಾಡಿದ ಅಮೆರಿಕ ಕನ್ನಡ ಕೂಟಗಳ (ಅಕ್ಕ) ಅಧ್ಯಕ್ಷ ಅಮರನಾಥಗೌಡ, ‘ಕವಿಯವರ ಹುಟ್ಟೂರಿನಲ್ಲೇ ಮೈಸೂರು ಮಲ್ಲಿಗೆ ಕಂಪು, ಕಾವ್ಯದ ಇಂಪು ಇದೆ’ ಎಂದು ಹೇಳಿದರು.<br /> <br /> ‘ನಾನೂ ನರಸಿಂಹಸ್ವಾಮಿ ಅವರ ಕಾವ್ಯಾಭಿಮಾನಿ. ಕವಿಯ ಹೆಸರಿನಲ್ಲಿ ಸ್ವಾಗತ ಕಮಾನು ನಿರ್ಮಿಸುವ ಅವಕಾಶ ದೊರೆತಿದ್ದು ನನ್ನ ಭಾಗ್ಯ’ ಎಂದರು.<br /> ಇಲ್ಲಿನ ಕೇಂಬ್ರಿಡ್ಜ್ ಶಾಲಾ ಆವರಣದಲ್ಲಿ ನಡೆದ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಗಾಯಕ ಡಾ.ಶಿವಮೊಗ್ಗ ಸುಬ್ಬಣ್ಣ ಅವರು, ‘ಕೆಎಸ್ನ ಜೀವನವೇ ಕಾವ್ಯ ಸಂದೇಶ. ಅವರ ಸರಳತೆ ಪಾಲಿಸಿದ್ದಲ್ಲಿ ಬಲು ಎತ್ತರಕ್ಕೆ ಬೆಳೆಯಬಹುದು’ ಎಂದರು.<br /> <br /> ಪಾಂಡವಪುರ ಉಪವಿಭಾಗಾಧಿಕಾರಿ ಡಾ.ಎಚ್.ಎಲ್. ನಾಗರಾಜು ಅವರು, ಕೆಎಸ್ನ ದಾಂಪತ್ಯ ಕವಿತೆಗಳ ಸರದಾರರು. ಇವರು ಬಾಳಿದ ಮನೆಯನ್ನು ಸ್ಮಾರಕವನ್ನಾಗಿಸಲು ಸರ್ಕಾರ– ಸಂಸ್ಥೆಯ ರಾಯಭಾರಿಯಾಗಿ ನಿಲ್ಲುವೆ’ ಎಂದು ಭರವಸೆ ನೀಡಿದರು.<br /> <br /> ಕಾರ್ಯಕ್ರಮ ಸಂಘಟಿಸಿದ್ದ ಗಾಯಕ ಡಾ.ಕಿಕ್ಕೇರಿ ಕೃಷ್ಣಮೂರ್ತಿ ಅವರು, ಕೆಎಸ್ನ ಭವನ ಜತೆಗೆ ಕಿಕ್ಕೇರಿಯಲ್ಲಿ ಸುಗಮ ಸಂಗೀತ ಭವನ ನಿರ್ಮಿಸಲು ಗ್ರಾಮಸ್ಥರ ಸಹಕಾರವೂ ಅಗತ್ಯ. ಇದನ್ನು ಸಂಗೀತ ಗ್ರಾಮವಾಗಿಸಬೇಕು’ ಎಂದು ಒತ್ತಾಯಿಸಿದರು.<br /> <br /> ಗಾಯಕಿ ರತ್ನಮಾಲಾ ಪ್ರಕಾಶ್, ‘ನನ್ನ ಜನಪ್ರಿಯತೆಗೆ ಮೈಸೂರು ಮಲ್ಲಿಗೆ ಸಂಕಲನದ ಕವನಗಳೇ ಪ್ರೇರಣೆ’ ಎಂದರು. ಅವರು ಕೆಎಸ್ನ ರಚಿಸಿದ 'ದೀಪವೂ ನಿನ್ನದೆ ಗಾಳಿಯೂ ನಿನ್ನದೆ...', 'ಒಂದಿರುಳು ಕನಸಿನಲಿ...' ಗೀತೆಗಳನ್ನು ಹಾಡಿದರು.<br /> <br /> ಗಾಯಕ ವೈ.ಕೆ. ಮುದ್ದುಕೃಷ್ಣ ಅವರು, 'ಗಾಳಿ ಆಡಿದರೆ ಬನವು ಆಡಿ...' ಕವಿತೆಗೆ ದನಿಯಾದರೆ; ಶ್ರೀನಿವಾಸ ಉಡುಪ ಅವರು 'ಅಂತಿಂಥ ಹೆಣ್ಣು ನೀನಲ್ಲ...’, 'ಇವಳು ಯಾರು ಬಲ್ಲೆಯೇನು?' ಗೀತೆ ಹಾಡಿದರು.<br /> <br /> ಕಿಕ್ಕೇರಿ ಕೃಷ್ಣಮೂರ್ತಿ ಅವರು, 'ನಗುವಾಗ ನಕ್ಕು...', 'ನಿನ್ನೊಲುಮೆಯಿಂದಲೇ ಬಾಳು ಬೆಳಕಾಗಿರಲು...' ಗೀತೆಗಳನ್ನು ಹಾಡಿ ತವರಿನ ಪ್ರೇಕ್ಷಕರ ರಂಜಿಸಿದರು.<br /> <br /> ನಾಗಚಂದ್ರಿಕಾ ಭಟ್ ಅವರು, 'ರಾಯರು ಬಂದರು ಮಾವನ ಮನೆಗೆ' ಗೀತೆ ಹಾಡಿದರೆ; ಪಿ. ಶಿವಶಂಕರ್ ಅವರು 'ಹೆಂಡತಿಯೊಬ್ಬಳು ಮನೆಯೊಳಗಿದ್ದರೆ...’ ಮಾಲತಿ ಶರ್ಮ 'ಹೂಬಳ್ಳಿಯ ದೀಪ...' ಗೀತೆ ಪ್ರಸ್ತುತಪಡಿಸಿದರು.<br /> <br /> ಗೀತಚಿತ್ರ: ಕಲಾವಿದ ಮೋಕ್ಷಗುಂಡಂ ಶೇಷಾದ್ರಿ ಅವರು, ಗಾಯಕರು ಪ್ರಸ್ತುತಪಡಿಸಿದ ಕೆಎಸ್ನ ಗೀತೆಗಳಿಗೆ ಪೂರಕ ಚಿತ್ರಗಳನ್ನು ಬಿಡಿಸಿದರು. ಶಿಲ್ಪಿ ಪರಮೇಶ್ ಸ್ಥಳದಲ್ಲಿಯೇ ಮಣ್ಣಿನಿಂದ ಕೆಎಎಸ್ನ ಕಲಾಕೃತಿ ನಿರ್ಮಿಸಿದರು. <br /> <br /> ಕೆಎಸ್ನ ಟ್ರಸ್ಟ್ ಸದಸ್ಯ ಕೆ.ಜೆ. ನಾರಾಯಣ್, ಕೋಡಿಹಳ್ಳಿ ನಂಜುಂಡೇಗೌಡ, ಕೆಎಸ್ನ ಸಾಂಸ್ಕೃತಿಕ ಪ್ರತಿಷ್ಠಾನ ಅಧ್ಯಕ್ಷ ಮಾದಾಪುರ ಸುಬ್ಬಣ್ಣ, ಸ್ಪಂದನಾ ಫೌಂಡೇಷನ್ನ ತ್ರಿವೇಣಿ, ಕೇಂಬ್ರಿಡ್ಜ್ ಶಾಲೆಯ ಕಾರ್ಯದರ್ಶಿ ಇಂದಿರಾ ಸತೀಶ್ ಇದ್ದರು.<br /> <br /> ಆದರ್ಶ ಸುಗಮ ಸಂಗೀತ ಅಕಾಡೆಮಿ, ಕೆಎಸ್ನ ಸಾಂಸ್ಕೃತಿಕ ಪ್ರತಿಷ್ಠಾನ, ಸ್ಪಂದನಾ ಫೌಂಡೇಷನ್ ಹಾಗೂ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಹಭಾಗಿತ್ವದಲ್ಲಿ ಕೆ.ಎಸ್. ನರಸಿಂಹಸ್ವಾಮಿ ಅವರ ಜನ್ಮ ಶತಮಾನೋತ್ಸವ ಕಾರ್ಯಕ್ರಮ ನಡೆಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಿಕ್ಕೇರಿ: </strong>ಕಾವ್ಯಗಳಲ್ಲಿ ದಾಂಪತ್ಯದ ಸವಿಯನ್ನು ಕಟ್ಟಿ ಕೊಟ್ಟ ‘ಮೈಸೂರು ಮಲ್ಲಿಗೆ’ ಖ್ಯಾತಿಯ ಕೆಎಸ್ನ ಅವರಿಗೆ ಸೋಮವಾರ ಪಟ್ಟಣದಲ್ಲಿ ಭಿನ್ನರೀತಿಯ ಗಾಯನ ನಮನ ನಡೆಯಿತು.<br /> <br /> ಗ್ರಾಮೀಣ ಭಾಗದ ವಿವಿಧ ಶಾಲೆಗಳ 1,500ಕ್ಕೂ ಹೆಚ್ಚು ಮಕ್ಕಳು ಪ್ರೇಮಕವಿಯ ಜನಪ್ರಿಯ ಗೀತೆಗಳಿಗೆ ಧ್ವನಿಯಾಗುವ ಮೂಲಕ ಕವಿಯ ನೆನಪುಗಳನ್ನು ಕಟ್ಟಿಕೊಟ್ಟರು. ಇವರ ಜತೆಗೆ ವಿವಿಧ ಗಾಯಕರು ಕೆಎಸ್ನ ಗೀತೆಗಳನ್ನು ಹಾಡಿದರು.<br /> <br /> ಕೆ.ಎಸ್. ನರಸಿಂಹಸ್ವಾಮಿ ಅವರ ಹುಟ್ಟೂರಾದ ಕಿಕ್ಕೇರಿಯಲ್ಲಿ ಸೋಮವಾರ ಜರುಗಿದ ಕೆ.ಎಸ್.ನ ಜನ್ಮಶತಮಾನೋತ್ಸವ ಕಾರ್ಯಕ್ರಮ ಈ ಸಂಭ್ರಮಕ್ಕೆ ವೇದಿಕೆಯಾಯಿತು.<br /> <br /> ಉದ್ಘಾಟನಾ ಕಾರ್ಯಕ್ರಮದಲ್ಲಿ ಮಾತನಾಡಿದ ಅಮೆರಿಕ ಕನ್ನಡ ಕೂಟಗಳ (ಅಕ್ಕ) ಅಧ್ಯಕ್ಷ ಅಮರನಾಥಗೌಡ, ‘ಕವಿಯವರ ಹುಟ್ಟೂರಿನಲ್ಲೇ ಮೈಸೂರು ಮಲ್ಲಿಗೆ ಕಂಪು, ಕಾವ್ಯದ ಇಂಪು ಇದೆ’ ಎಂದು ಹೇಳಿದರು.<br /> <br /> ‘ನಾನೂ ನರಸಿಂಹಸ್ವಾಮಿ ಅವರ ಕಾವ್ಯಾಭಿಮಾನಿ. ಕವಿಯ ಹೆಸರಿನಲ್ಲಿ ಸ್ವಾಗತ ಕಮಾನು ನಿರ್ಮಿಸುವ ಅವಕಾಶ ದೊರೆತಿದ್ದು ನನ್ನ ಭಾಗ್ಯ’ ಎಂದರು.<br /> ಇಲ್ಲಿನ ಕೇಂಬ್ರಿಡ್ಜ್ ಶಾಲಾ ಆವರಣದಲ್ಲಿ ನಡೆದ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಗಾಯಕ ಡಾ.ಶಿವಮೊಗ್ಗ ಸುಬ್ಬಣ್ಣ ಅವರು, ‘ಕೆಎಸ್ನ ಜೀವನವೇ ಕಾವ್ಯ ಸಂದೇಶ. ಅವರ ಸರಳತೆ ಪಾಲಿಸಿದ್ದಲ್ಲಿ ಬಲು ಎತ್ತರಕ್ಕೆ ಬೆಳೆಯಬಹುದು’ ಎಂದರು.<br /> <br /> ಪಾಂಡವಪುರ ಉಪವಿಭಾಗಾಧಿಕಾರಿ ಡಾ.ಎಚ್.ಎಲ್. ನಾಗರಾಜು ಅವರು, ಕೆಎಸ್ನ ದಾಂಪತ್ಯ ಕವಿತೆಗಳ ಸರದಾರರು. ಇವರು ಬಾಳಿದ ಮನೆಯನ್ನು ಸ್ಮಾರಕವನ್ನಾಗಿಸಲು ಸರ್ಕಾರ– ಸಂಸ್ಥೆಯ ರಾಯಭಾರಿಯಾಗಿ ನಿಲ್ಲುವೆ’ ಎಂದು ಭರವಸೆ ನೀಡಿದರು.<br /> <br /> ಕಾರ್ಯಕ್ರಮ ಸಂಘಟಿಸಿದ್ದ ಗಾಯಕ ಡಾ.ಕಿಕ್ಕೇರಿ ಕೃಷ್ಣಮೂರ್ತಿ ಅವರು, ಕೆಎಸ್ನ ಭವನ ಜತೆಗೆ ಕಿಕ್ಕೇರಿಯಲ್ಲಿ ಸುಗಮ ಸಂಗೀತ ಭವನ ನಿರ್ಮಿಸಲು ಗ್ರಾಮಸ್ಥರ ಸಹಕಾರವೂ ಅಗತ್ಯ. ಇದನ್ನು ಸಂಗೀತ ಗ್ರಾಮವಾಗಿಸಬೇಕು’ ಎಂದು ಒತ್ತಾಯಿಸಿದರು.<br /> <br /> ಗಾಯಕಿ ರತ್ನಮಾಲಾ ಪ್ರಕಾಶ್, ‘ನನ್ನ ಜನಪ್ರಿಯತೆಗೆ ಮೈಸೂರು ಮಲ್ಲಿಗೆ ಸಂಕಲನದ ಕವನಗಳೇ ಪ್ರೇರಣೆ’ ಎಂದರು. ಅವರು ಕೆಎಸ್ನ ರಚಿಸಿದ 'ದೀಪವೂ ನಿನ್ನದೆ ಗಾಳಿಯೂ ನಿನ್ನದೆ...', 'ಒಂದಿರುಳು ಕನಸಿನಲಿ...' ಗೀತೆಗಳನ್ನು ಹಾಡಿದರು.<br /> <br /> ಗಾಯಕ ವೈ.ಕೆ. ಮುದ್ದುಕೃಷ್ಣ ಅವರು, 'ಗಾಳಿ ಆಡಿದರೆ ಬನವು ಆಡಿ...' ಕವಿತೆಗೆ ದನಿಯಾದರೆ; ಶ್ರೀನಿವಾಸ ಉಡುಪ ಅವರು 'ಅಂತಿಂಥ ಹೆಣ್ಣು ನೀನಲ್ಲ...’, 'ಇವಳು ಯಾರು ಬಲ್ಲೆಯೇನು?' ಗೀತೆ ಹಾಡಿದರು.<br /> <br /> ಕಿಕ್ಕೇರಿ ಕೃಷ್ಣಮೂರ್ತಿ ಅವರು, 'ನಗುವಾಗ ನಕ್ಕು...', 'ನಿನ್ನೊಲುಮೆಯಿಂದಲೇ ಬಾಳು ಬೆಳಕಾಗಿರಲು...' ಗೀತೆಗಳನ್ನು ಹಾಡಿ ತವರಿನ ಪ್ರೇಕ್ಷಕರ ರಂಜಿಸಿದರು.<br /> <br /> ನಾಗಚಂದ್ರಿಕಾ ಭಟ್ ಅವರು, 'ರಾಯರು ಬಂದರು ಮಾವನ ಮನೆಗೆ' ಗೀತೆ ಹಾಡಿದರೆ; ಪಿ. ಶಿವಶಂಕರ್ ಅವರು 'ಹೆಂಡತಿಯೊಬ್ಬಳು ಮನೆಯೊಳಗಿದ್ದರೆ...’ ಮಾಲತಿ ಶರ್ಮ 'ಹೂಬಳ್ಳಿಯ ದೀಪ...' ಗೀತೆ ಪ್ರಸ್ತುತಪಡಿಸಿದರು.<br /> <br /> ಗೀತಚಿತ್ರ: ಕಲಾವಿದ ಮೋಕ್ಷಗುಂಡಂ ಶೇಷಾದ್ರಿ ಅವರು, ಗಾಯಕರು ಪ್ರಸ್ತುತಪಡಿಸಿದ ಕೆಎಸ್ನ ಗೀತೆಗಳಿಗೆ ಪೂರಕ ಚಿತ್ರಗಳನ್ನು ಬಿಡಿಸಿದರು. ಶಿಲ್ಪಿ ಪರಮೇಶ್ ಸ್ಥಳದಲ್ಲಿಯೇ ಮಣ್ಣಿನಿಂದ ಕೆಎಎಸ್ನ ಕಲಾಕೃತಿ ನಿರ್ಮಿಸಿದರು. <br /> <br /> ಕೆಎಸ್ನ ಟ್ರಸ್ಟ್ ಸದಸ್ಯ ಕೆ.ಜೆ. ನಾರಾಯಣ್, ಕೋಡಿಹಳ್ಳಿ ನಂಜುಂಡೇಗೌಡ, ಕೆಎಸ್ನ ಸಾಂಸ್ಕೃತಿಕ ಪ್ರತಿಷ್ಠಾನ ಅಧ್ಯಕ್ಷ ಮಾದಾಪುರ ಸುಬ್ಬಣ್ಣ, ಸ್ಪಂದನಾ ಫೌಂಡೇಷನ್ನ ತ್ರಿವೇಣಿ, ಕೇಂಬ್ರಿಡ್ಜ್ ಶಾಲೆಯ ಕಾರ್ಯದರ್ಶಿ ಇಂದಿರಾ ಸತೀಶ್ ಇದ್ದರು.<br /> <br /> ಆದರ್ಶ ಸುಗಮ ಸಂಗೀತ ಅಕಾಡೆಮಿ, ಕೆಎಸ್ನ ಸಾಂಸ್ಕೃತಿಕ ಪ್ರತಿಷ್ಠಾನ, ಸ್ಪಂದನಾ ಫೌಂಡೇಷನ್ ಹಾಗೂ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಹಭಾಗಿತ್ವದಲ್ಲಿ ಕೆ.ಎಸ್. ನರಸಿಂಹಸ್ವಾಮಿ ಅವರ ಜನ್ಮ ಶತಮಾನೋತ್ಸವ ಕಾರ್ಯಕ್ರಮ ನಡೆಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
