<p>`ನಾನಾಗ 15ರ ಪೋರಿ. ಕನಸುಗಳು ಅರಳುವ ವಯಸ್ಸು. ಸೀರೆ ಉಡಬೇಕೆಂಬ ಮನಸ್ಸಾಯಿತು. ಜತೆಗೆ ನನಗಾಗಿಯೇ ಒಂದು ಸೀರೆ ಖರೀದಿಸುವ ಹಂಬಲ ಮನಸ್ಸಿನಲ್ಲಿ ಮೂಡಿತು. ಪೋಷಕರ ಬಳಿ ಹೇಳಿಕೊಂಡೆ.<br /> <br /> ಅವರು ಮಹಾತ್ಮಾ ಗಾಂಧಿ ರಸ್ತೆಯಲ್ಲಿರುವ ದೀಪಂ ಸಿಲ್ಕ್ಸ್ಗೆ ಕರೆದುಕೊಂಡು ಹೋದರು. ಅಂದು ಅಲ್ಲಿ ಖರೀದಿಸಿದ ಮನಕ್ಕೊಪ್ಪುವ ಸೀರೆ ಇಂದಿಗೂ ನನಗೆ ಅಚ್ಚುಮೆಚ್ಚು~ ಎನ್ನುವಾಗ ಮಲೆನಾಡ ಹುಡುಗಿ ದೀಪಾ ಸನ್ನಿಧಿಯ ಮುಖ ಅರಳಿತ್ತು.<br /> <br /> ಬರಲಿರುವ ವರಮಹಾಲಕ್ಷ್ಮಿ ವ್ರತಕ್ಕೆ ದೀಪಂ ಪರಿಚಯಿಸುತ್ತಿರುವ ಹೊಸ ಬಗೆಯ ಸೀರೆಗಳ ಅನಾವರಣ ಹಾಗೂ ಬ್ರೈಡಲ್, ಫಾರ್ಮಲ್ ಮತ್ತು ಪಾರ್ಟಿವೇರ್ ಸೀರೆಗಳ ಮೇಲಿನ ಶೇ 40ರಷ್ಟು ರಿಯಾಯಿತಿ ಸುಗ್ಗಿಯನ್ನು ಉದ್ಘಾಟಿಸಲು ದೀಪಾ ಜಯನಗರದ ದೀಪಂ ಸಿಲ್ಕ್ಸ್ಗೆ ಭೇಟಿ ನೀಡಿದ್ದರು. <br /> <br /> ಬರೋಬ್ಬರಿ ಒಂದು ಲಕ್ಷ ರೂಪಾಯಿ ಅಪ್ಪಟ ಜರಿ ಸೀರೆಯನ್ನು ಅಚ್ಚುಕಟ್ಟಾಗಿ ಉಟ್ಟು ಬಂದಿದ್ದ ದೀಪಾ, ಪ್ರಖರ ದೀಪದ ಬೆಳಕಿಗೆ ಮಿರಮಿರನೆ ಮಿಂಚುತ್ತಿದ್ದರು. ತನ್ನಷ್ಟೇ ಎತ್ತರದ ಇನ್ನಿಬ್ಬರು ವೃತ್ತಿಪರ ಮಾಡೆಲ್ಗಳ ನಡುವೆ ನಿಂತಿದ್ದ ದೀಪಾ ಮೊಗದಲ್ಲಿ ಮುಗ್ಧತೆ ಎದ್ದು ಕಾಣುತ್ತಿತ್ತು.<br /> <br /> ಸಕಲೇಶಪುರದ ಕಾಫಿ ಎಸ್ಟೇಟ್ ಮಾಲೀಕರ ಮಗಳಾಗಿರುವ ದೀಪಾಗೆ ಬಾಲ್ಯದಿಂದಲೇ ದೀಪಂ ನಂಟಂತೆ. ಅಮ್ಮನೊಂದಿಗೆ ದೀಪಂಗೆ ಬಂದು ಸೀರೆ ಖರೀದಿಸುತ್ತಿದ್ದ ನೆನಪು ಇನ್ನೂ ಅವರಲ್ಲಿ ಅಚ್ಚಾಗಿತ್ತು. `ಮಳಿಗೆಗೆ ಭೇಟಿ ನೀಡಿದಾಗ ಅಂದು ಸಿಗುತ್ತಿದ್ದ ಅದೇ ಕಾಳಜಿ ಹಾಗೂ ಪ್ರೀತಿ ಇಂದಿಗೂ ಇರುವುದು ಸಂತೋಷದ ವಿಷಯ~ ಎಂದು ಮಳಿಗೆ ಕುರಿತು ದೀಪಾ ಮೆಚ್ಚುಗೆಯ ಮಾತನ್ನಾಡಿದರು.<br /> <br /> ಸಿನಿಮಾಗಳಲ್ಲಿ ಸಾಕಷ್ಟು ಕ್ಯಾಷುಯಲ್ ಉಡುಪುಗಳನ್ನೇ ತೊಡುವ ದೀಪಾಗೆ ನಿಜವಾಗಿಯೂ ಇಷ್ಟವಾಗುವುದೆಂದರೆ ಸೀರೆ ಅಥವಾ ಲಂಗಾ ದಾವಣಿಯಂತೆ. ಹೀಗೆಂದು ಸ್ವತಃ ದೀಪಾ ಒಪ್ಪಿಕೊಂಡಿದ್ದಾರೆ. <br /> <br /> `ಎಲ್ಲಾ ಉಡುಪುಗಳು ನನಗಿಷ್ಟ. ಆದರೆ ಅವುಗಳಲ್ಲಿ ಅಚ್ಚುಮೆಚ್ಚೆಂದರೆ ಸೀರೆಯೇ. ಹೀಗಾಗಿ ಈಗ ತೊಟ್ಟಿರುವ ಭಾರೀ ಜರಿಯ ಈ ಸೀರೆಯೂ ನನಗೆ ಹಿತಾನುಭವ ನೀಡುತ್ತಿದೆ. ಯಾವುದೇ ಸಮಾರಂಭಗಳಿಗೆ ಅಥವಾ ಹಬ್ಬಗಳಲ್ಲಿ ನಾನು ಸೀರೆಯನ್ನೇ ಬಹುವಾಗಿ ಮೆಚ್ಚಿ ಉಡುತ್ತೇನೆ~ ಎಂದರು.<br /> <br /> ಕಾಂಚೀವರಂ ಕಾರ್ತಿಕ್ ಸೆಲ್ವನ್ ಎಂಬ ಯುವಕ ವಿನ್ಯಾಸ ಮಾಡಿದ ಬಂಗಾರ ಹಾಗೂ ಬೆಳ್ಳಿ ಜರಿಯುಳ್ಳ ಅಪ್ಪಟ ರೇಷ್ಮೆ ಸೀರೆ ಅಂದಿನ ಪ್ರಮುಖ ಆಕರ್ಷಣೆ. ಸಾಂಪ್ರದಾಯಿಕ ನೇಯ್ಗೆ ಪದ್ಧತಿಯನ್ನೇ ಬಳಸಿ ಆಧುನಿಕ ಸ್ಪರ್ಶ ನೀಡಲಾಗಿರುವ ಸೀರೆ ಇದಾಗಿದೆ. <br /> <br /> ಆಧುನಿಕ ಪೇಂಟಿಂಗ್, ವ್ಯಾಕ್ಸ್ ಪೇಂಟಿಂಗ್, ಮೂರು ಆಯಾಮದ (ಥ್ರೀಡಿ) ವಿನ್ಯಾಸ ಹಾಗೂ ಚಿತ್ತಾಕರ್ಷಕ ಹೂಗಳ ಬಳಕೆ ಈ ಸೀರೆಗಳಲ್ಲಿ ಢಾಳವಾಗಿವೆ. ರೇಷ್ಮೆ ಸೀರೆಯೇ ಆದರೂ ಅದಕ್ಕೊಂದು ಆಧುನಿಕ ಸ್ಪರ್ಶ ನೀಡುವ ಪ್ರಯತ್ನ ಇದಾಗಿದೆ.<br /> <br /> ಈ ಪ್ರಯತ್ನ ಸ್ವತಃ ಆಭರಣ ವಿನ್ಯಾಸಕಿಯಾಗಿರುವ ದೀಪಾ ಸನ್ನಿಧಿಗೆ ಮೆಚ್ಚುಗೆಯಾಗಿದೆಯಂತೆ.ಕನ್ನಡದಲ್ಲಿ ನಟಿಸಿರುವ ಬಹುತೇಕ ಎಲ್ಲಾ ಸಿನಿಮಾಗಳು ಯಶಸ್ವಿಯಾಗಿರುವ ಹಿನ್ನಲೆಯಲ್ಲಿ ಬೇರೆ ಭಾಷೆಗಳತ್ತ ಮುಖ ಮಾಡುವ ಇರಾದೆ ಇದೆಯೇ ಎಂದು ಕೇಳಿದ್ದಕ್ಕೆ, `ಕನ್ನಡ ಸಿನಿಮಾರಂಗದಲ್ಲೇ ನನಗೆ ಖುಷಿ ಇದೆ. <br /> <br /> ಬೇರೆ ಭಾಷೆ ಸಿನಿಮಾಗಳನ್ನು ಒಪ್ಪಿಕೊಂಡು ಕನ್ನಡ ಸಿನಿಮಾಗಳ ಡೇಟ್ಗಳಿಗೆ ತೊಂದರೆಯಾಗಬಾರದೆನ್ನುವುದು ನನ್ನ ಕಾಳಜಿ~ ಎಂಬ ಉತ್ತರ ದೀಪಾ ಸನ್ನಿಧಿಯವರದ್ದು.<br /> <br /> ಸಾಹಸಮಯ ಪ್ರವೃತ್ತಿಯುಳ್ಳ ಹಾಗೂ ಆಧುನಿಕ ವಸ್ತ್ರಗಳನ್ನು ಇಷ್ಟಪಡುವವರನ್ನು ದೃಷ್ಟಿಯಲ್ಲಿಟ್ಟುಕೊಂಡು ವಿನ್ಯಾಸ ಮಾಡಲಾದ ವಿಶೇಷ ಸೀರೆಯ ಜತೆಗೆ ಇರುವ ಮತ್ತಿತರ ಬಗೆಬಗೆಯ ಸೀರೆಗಳನ್ನು ದೀಪಂ ಪ್ರದರ್ಶಿಸುತ್ತಿದೆ. 1.5 ಸಾವಿರದಿಂದ 1.5 ಲಕ್ಷ ರೂಪಾಯಿವರೆಗಿನ ತರಹೇವಾರಿ ಸೀರೆಗಳು ಇಲ್ಲಿ ಲಭ್ಯ. <br /> <br /> ವರಮಹಾಲಕ್ಷ್ಮಿ ವ್ರತದ ಸಂದರ್ಭದಲ್ಲಿ ಜುಲೈ 11ರಿಂದ 29ರವರೆಗೆ ನಡೆಯಲಿರುವ ರಿಯಾಯಿತಿ ಮಾರಾಟದಲ್ಲಿ ದೀಪಂ ಸಿಲ್ಕ್ಸ್ ಶೇ 40ರ ರಿಯಾಯಿತಿ ಘೋಷಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>`ನಾನಾಗ 15ರ ಪೋರಿ. ಕನಸುಗಳು ಅರಳುವ ವಯಸ್ಸು. ಸೀರೆ ಉಡಬೇಕೆಂಬ ಮನಸ್ಸಾಯಿತು. ಜತೆಗೆ ನನಗಾಗಿಯೇ ಒಂದು ಸೀರೆ ಖರೀದಿಸುವ ಹಂಬಲ ಮನಸ್ಸಿನಲ್ಲಿ ಮೂಡಿತು. ಪೋಷಕರ ಬಳಿ ಹೇಳಿಕೊಂಡೆ.<br /> <br /> ಅವರು ಮಹಾತ್ಮಾ ಗಾಂಧಿ ರಸ್ತೆಯಲ್ಲಿರುವ ದೀಪಂ ಸಿಲ್ಕ್ಸ್ಗೆ ಕರೆದುಕೊಂಡು ಹೋದರು. ಅಂದು ಅಲ್ಲಿ ಖರೀದಿಸಿದ ಮನಕ್ಕೊಪ್ಪುವ ಸೀರೆ ಇಂದಿಗೂ ನನಗೆ ಅಚ್ಚುಮೆಚ್ಚು~ ಎನ್ನುವಾಗ ಮಲೆನಾಡ ಹುಡುಗಿ ದೀಪಾ ಸನ್ನಿಧಿಯ ಮುಖ ಅರಳಿತ್ತು.<br /> <br /> ಬರಲಿರುವ ವರಮಹಾಲಕ್ಷ್ಮಿ ವ್ರತಕ್ಕೆ ದೀಪಂ ಪರಿಚಯಿಸುತ್ತಿರುವ ಹೊಸ ಬಗೆಯ ಸೀರೆಗಳ ಅನಾವರಣ ಹಾಗೂ ಬ್ರೈಡಲ್, ಫಾರ್ಮಲ್ ಮತ್ತು ಪಾರ್ಟಿವೇರ್ ಸೀರೆಗಳ ಮೇಲಿನ ಶೇ 40ರಷ್ಟು ರಿಯಾಯಿತಿ ಸುಗ್ಗಿಯನ್ನು ಉದ್ಘಾಟಿಸಲು ದೀಪಾ ಜಯನಗರದ ದೀಪಂ ಸಿಲ್ಕ್ಸ್ಗೆ ಭೇಟಿ ನೀಡಿದ್ದರು. <br /> <br /> ಬರೋಬ್ಬರಿ ಒಂದು ಲಕ್ಷ ರೂಪಾಯಿ ಅಪ್ಪಟ ಜರಿ ಸೀರೆಯನ್ನು ಅಚ್ಚುಕಟ್ಟಾಗಿ ಉಟ್ಟು ಬಂದಿದ್ದ ದೀಪಾ, ಪ್ರಖರ ದೀಪದ ಬೆಳಕಿಗೆ ಮಿರಮಿರನೆ ಮಿಂಚುತ್ತಿದ್ದರು. ತನ್ನಷ್ಟೇ ಎತ್ತರದ ಇನ್ನಿಬ್ಬರು ವೃತ್ತಿಪರ ಮಾಡೆಲ್ಗಳ ನಡುವೆ ನಿಂತಿದ್ದ ದೀಪಾ ಮೊಗದಲ್ಲಿ ಮುಗ್ಧತೆ ಎದ್ದು ಕಾಣುತ್ತಿತ್ತು.<br /> <br /> ಸಕಲೇಶಪುರದ ಕಾಫಿ ಎಸ್ಟೇಟ್ ಮಾಲೀಕರ ಮಗಳಾಗಿರುವ ದೀಪಾಗೆ ಬಾಲ್ಯದಿಂದಲೇ ದೀಪಂ ನಂಟಂತೆ. ಅಮ್ಮನೊಂದಿಗೆ ದೀಪಂಗೆ ಬಂದು ಸೀರೆ ಖರೀದಿಸುತ್ತಿದ್ದ ನೆನಪು ಇನ್ನೂ ಅವರಲ್ಲಿ ಅಚ್ಚಾಗಿತ್ತು. `ಮಳಿಗೆಗೆ ಭೇಟಿ ನೀಡಿದಾಗ ಅಂದು ಸಿಗುತ್ತಿದ್ದ ಅದೇ ಕಾಳಜಿ ಹಾಗೂ ಪ್ರೀತಿ ಇಂದಿಗೂ ಇರುವುದು ಸಂತೋಷದ ವಿಷಯ~ ಎಂದು ಮಳಿಗೆ ಕುರಿತು ದೀಪಾ ಮೆಚ್ಚುಗೆಯ ಮಾತನ್ನಾಡಿದರು.<br /> <br /> ಸಿನಿಮಾಗಳಲ್ಲಿ ಸಾಕಷ್ಟು ಕ್ಯಾಷುಯಲ್ ಉಡುಪುಗಳನ್ನೇ ತೊಡುವ ದೀಪಾಗೆ ನಿಜವಾಗಿಯೂ ಇಷ್ಟವಾಗುವುದೆಂದರೆ ಸೀರೆ ಅಥವಾ ಲಂಗಾ ದಾವಣಿಯಂತೆ. ಹೀಗೆಂದು ಸ್ವತಃ ದೀಪಾ ಒಪ್ಪಿಕೊಂಡಿದ್ದಾರೆ. <br /> <br /> `ಎಲ್ಲಾ ಉಡುಪುಗಳು ನನಗಿಷ್ಟ. ಆದರೆ ಅವುಗಳಲ್ಲಿ ಅಚ್ಚುಮೆಚ್ಚೆಂದರೆ ಸೀರೆಯೇ. ಹೀಗಾಗಿ ಈಗ ತೊಟ್ಟಿರುವ ಭಾರೀ ಜರಿಯ ಈ ಸೀರೆಯೂ ನನಗೆ ಹಿತಾನುಭವ ನೀಡುತ್ತಿದೆ. ಯಾವುದೇ ಸಮಾರಂಭಗಳಿಗೆ ಅಥವಾ ಹಬ್ಬಗಳಲ್ಲಿ ನಾನು ಸೀರೆಯನ್ನೇ ಬಹುವಾಗಿ ಮೆಚ್ಚಿ ಉಡುತ್ತೇನೆ~ ಎಂದರು.<br /> <br /> ಕಾಂಚೀವರಂ ಕಾರ್ತಿಕ್ ಸೆಲ್ವನ್ ಎಂಬ ಯುವಕ ವಿನ್ಯಾಸ ಮಾಡಿದ ಬಂಗಾರ ಹಾಗೂ ಬೆಳ್ಳಿ ಜರಿಯುಳ್ಳ ಅಪ್ಪಟ ರೇಷ್ಮೆ ಸೀರೆ ಅಂದಿನ ಪ್ರಮುಖ ಆಕರ್ಷಣೆ. ಸಾಂಪ್ರದಾಯಿಕ ನೇಯ್ಗೆ ಪದ್ಧತಿಯನ್ನೇ ಬಳಸಿ ಆಧುನಿಕ ಸ್ಪರ್ಶ ನೀಡಲಾಗಿರುವ ಸೀರೆ ಇದಾಗಿದೆ. <br /> <br /> ಆಧುನಿಕ ಪೇಂಟಿಂಗ್, ವ್ಯಾಕ್ಸ್ ಪೇಂಟಿಂಗ್, ಮೂರು ಆಯಾಮದ (ಥ್ರೀಡಿ) ವಿನ್ಯಾಸ ಹಾಗೂ ಚಿತ್ತಾಕರ್ಷಕ ಹೂಗಳ ಬಳಕೆ ಈ ಸೀರೆಗಳಲ್ಲಿ ಢಾಳವಾಗಿವೆ. ರೇಷ್ಮೆ ಸೀರೆಯೇ ಆದರೂ ಅದಕ್ಕೊಂದು ಆಧುನಿಕ ಸ್ಪರ್ಶ ನೀಡುವ ಪ್ರಯತ್ನ ಇದಾಗಿದೆ.<br /> <br /> ಈ ಪ್ರಯತ್ನ ಸ್ವತಃ ಆಭರಣ ವಿನ್ಯಾಸಕಿಯಾಗಿರುವ ದೀಪಾ ಸನ್ನಿಧಿಗೆ ಮೆಚ್ಚುಗೆಯಾಗಿದೆಯಂತೆ.ಕನ್ನಡದಲ್ಲಿ ನಟಿಸಿರುವ ಬಹುತೇಕ ಎಲ್ಲಾ ಸಿನಿಮಾಗಳು ಯಶಸ್ವಿಯಾಗಿರುವ ಹಿನ್ನಲೆಯಲ್ಲಿ ಬೇರೆ ಭಾಷೆಗಳತ್ತ ಮುಖ ಮಾಡುವ ಇರಾದೆ ಇದೆಯೇ ಎಂದು ಕೇಳಿದ್ದಕ್ಕೆ, `ಕನ್ನಡ ಸಿನಿಮಾರಂಗದಲ್ಲೇ ನನಗೆ ಖುಷಿ ಇದೆ. <br /> <br /> ಬೇರೆ ಭಾಷೆ ಸಿನಿಮಾಗಳನ್ನು ಒಪ್ಪಿಕೊಂಡು ಕನ್ನಡ ಸಿನಿಮಾಗಳ ಡೇಟ್ಗಳಿಗೆ ತೊಂದರೆಯಾಗಬಾರದೆನ್ನುವುದು ನನ್ನ ಕಾಳಜಿ~ ಎಂಬ ಉತ್ತರ ದೀಪಾ ಸನ್ನಿಧಿಯವರದ್ದು.<br /> <br /> ಸಾಹಸಮಯ ಪ್ರವೃತ್ತಿಯುಳ್ಳ ಹಾಗೂ ಆಧುನಿಕ ವಸ್ತ್ರಗಳನ್ನು ಇಷ್ಟಪಡುವವರನ್ನು ದೃಷ್ಟಿಯಲ್ಲಿಟ್ಟುಕೊಂಡು ವಿನ್ಯಾಸ ಮಾಡಲಾದ ವಿಶೇಷ ಸೀರೆಯ ಜತೆಗೆ ಇರುವ ಮತ್ತಿತರ ಬಗೆಬಗೆಯ ಸೀರೆಗಳನ್ನು ದೀಪಂ ಪ್ರದರ್ಶಿಸುತ್ತಿದೆ. 1.5 ಸಾವಿರದಿಂದ 1.5 ಲಕ್ಷ ರೂಪಾಯಿವರೆಗಿನ ತರಹೇವಾರಿ ಸೀರೆಗಳು ಇಲ್ಲಿ ಲಭ್ಯ. <br /> <br /> ವರಮಹಾಲಕ್ಷ್ಮಿ ವ್ರತದ ಸಂದರ್ಭದಲ್ಲಿ ಜುಲೈ 11ರಿಂದ 29ರವರೆಗೆ ನಡೆಯಲಿರುವ ರಿಯಾಯಿತಿ ಮಾರಾಟದಲ್ಲಿ ದೀಪಂ ಸಿಲ್ಕ್ಸ್ ಶೇ 40ರ ರಿಯಾಯಿತಿ ಘೋಷಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
