ಸೆಮಿಫೈನಲ್ ಪಂದ್ಯದಲ್ಲಿ ಸೈನಾಗೆ ಸೋಲು

ಲಂಡನ್: ಇಂದು ನಡೆದ ಲಂಡನ್ ಒಲಿಂಪಿಕ್ ಬ್ಯಾಡ್ಮಿಂಟನ್ ಮಹಿಳೆಯರ ಸಿಂಗಲ್ಸ್ ಸೆಮಿಫೈನಲ್ ಪಂದ್ಯದಲ್ಲಿ ಭಾರತದ ಸೈನಾ ನೆಹ್ವಾಲ್ ಅವರು ಚೀನಾದ ಯಿಹಾನ್ ವಾಂಗ್ ಅವರಿಂದ ಪರಾಭವಗೊಂಡರು.



ಇದೇ ಮೊದಲ ಬಾರಿಗೆ ಸೆಮಿಫೈನಲ್ ತಲುಪಿದ್ದ ಸೈನಾ ಅವರು 21-13, 21-13 ಅಂತರದಲ್ಲಿ ವಿಶ್ವ ರ್ಯಾಕಿಂಗ್ ನಲ್ಲಿ ಅಗ್ರಸ್ಥಾನದಲ್ಲಿರುವ ಚೀನಾದ ಆಟಗಾರ್ತಿ ಯಿಹಾನ್ ವಾಂಗ್ ಅವರ ವಿರುದ್ಧ ಸೋಲನುಭವಿಸಿದರು.



ವಿಶ್ವ ಚಾಂಪಿಯನ್ ಆಗಿರುವ ವಾಂಗ್ ಎದುರು ಈ ಹಿಂದೆ ಆಡಿದ ಐದೂ ಪಂದ್ಯಗಳಲ್ಲಿ ನೆಹ್ವಾನ್ ಸೋಲು ಕಂಡಿದ್ದರು.