ಗುರುವಾರ , ಜೂಲೈ 2, 2020
23 °C

ಹಂದಿಗಳ ಸಂತೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಹಂದಿಗಳ ಸಂತೆ

ದನಗಳ ಸಂತೆ, ಕುರಿಗಳ ಸಂತೆ, ವಾರಕೊಮ್ಮೆ ನಡೆಯುವ ತರಕಾರಿ ಸಂತೆಗಳ ಬಗ್ಗೆ ಎಲ್ಲರಿಗೂ ಗೊತ್ತಿದೆ. ಆದರೆ ಹಂದಿಗಳ ಮಾರಾಟಕ್ಕಾಗಿ ಸಂತೆ ನಡೆಯುತ್ತದೆ ಎಂಬುದು ಅನೇಕರಿಗೆ ಗೊತ್ತಿಲ್ಲ.



ದೇವನಹಳ್ಳಿ ತಾಲ್ಲೂಕಿನ ಬೀರಸಂದ್ರ ಸಮೀಪದ ಆಲೂರು ದುದ್ದನಹಳ್ಳಿ ಗೇಟ್‌ಬಳಿ ಪ್ರತಿ ಸೋಮವಾರ ಬೆಳಗಿನ ಜಾವ 3 ರಿಂದ ಬೆಳಿಗ್ಗೆ 9 ಗಂಟೆವರೆಗೆ ಹಂದಿಗಳ ಸಂತೆ ನಡೆಯುತ್ತದೆ. ಇಷ್ಟು ದೊಡ್ಡ ಹಂದಿ ಸಂತೆ ರಾಜ್ಯದ ಬೇರೆಲ್ಲೂ ಕಾಣಸಿಗದು.



ಕಳೆದ ಹದಿನೈದು ವರ್ಷಗಳಿಂದ ವಾರಕ್ಕೊಮ್ಮೆ ಸಂತೆ ನಡೆಯುತ್ತದೆ. ಬೆಂಗಳೂರು ಗ್ರಾಮಾಂತರ ಜಿಲ್ಲೆ, ಆಂಧ್ರದ ಹಿಂದೂಪುರ, ಕರ್ನೂಲು, ಅನಂತಪುರ, ಕಡಪ ಹಾಗೂ ರಾಜ್ಯದ ಕೊಪ್ಪಳ, ರಾಯಚೂರು, ಗಂಗಾವತಿ ಮತ್ತಿತರ ಕಡೆಗಳಿಂದ ಹಂದಿಗಳನ್ನು ಕೊಳ್ಳುವವರು ಮತ್ತು ಮಾರುವವರು ಸಂತೆಗೆ ಬರುತ್ತಾರೆ.



ಬೇಸಾಯದ ಜತೆಗೆ ಸಣ್ಣ ಪ್ರಮಾಣದಲ್ಲಿ ಹಂದಿ ಸಾಕುವ ರೈತರು ತಮಗೆ ಹಣದ ಅಗತ್ಯ ಇದ್ದಾಗ ಇಲ್ಲಿಗೆ ಹಂದಿಗಳನ್ನು ತಂದು ಮಾರಾಟ ಮಾಡುತ್ತಾರೆ. ಐದಾರು ಗಂಟೆಗಳ ಅವಧಿಯಲ್ಲಿ ಲಕ್ಷಾಂತರ ರೂ ವಹಿವಾಟು ನಡೆಯುತ್ತದೆ.



ಪ್ರತಿ ವಾರ 12 ರಿಂದ 18 ಟನ್‌ಗಳಷ್ಟು ತೂಕದ ನಾಟಿ ಹಂದಿಗಳು ಮಾರಾಟವಾಗುತ್ತವೆ. ದೇವನಹಳ್ಳಿ ತಾಲ್ಲೂಕಿನಲ್ಲೇ  17 ಹಂದಿಮಾಂಸ ಮಾರಾಟ ಕೇಂದ್ರಗಳಿವೆ. ಒಂದೊಂದು ಕೇಂದ್ರದಲ್ಲಿ ದಿನಕ್ಕೆ ಸರಾಸರಿ ದ 30 ರಿಂದ 70ಕೆ.ಜಿ ಮಾಂಸ ಮಾರಾಟವಾಗುತ್ತದೆ ಎಂಬ ಅಂದಾಜಿದೆ.



ಸಂತೆಯಲ್ಲೆ  10ರಿಂದ 25ಕೆ.ಜಿ ತೂಕದ ದೇಸಿ ಹಾಗೂ ಫಾರಂಗಳಲ್ಲಿ ಬೆಳೆಸಿದ ಹಂದಿಗಳು ಬಿಕರಿಯಾಗುತ್ತವೆ. ಬೆಂಗಳೂರು ನಗರದ ಹಂದಿ ಮಾಂಸ ಮಾರಾಟಗಾರರು ಇಲ್ಲಿ ಹಂದಿ ಖರೀದಿಸಿ ಒಯ್ಯುತ್ತಾರೆ.



ಹಂದಿ ಸಂತೆ ನಡೆಯುವ ಜಾಗ ವ್ಯವಸ್ಥಿತವಾಗಿಲ್ಲ. ಈ ಸ್ಥಳವನ್ನು ಶುಚಿಯಾಗಿಡುವ ಕೆಲಸವನ್ನು ಸ್ಥಳೀಯ ಗ್ರಾಮ ಪಂಚಾಯಿತಿ ಮಾಡಬೇಕಿದೆ. ಹಂದಿಗಳ ಸಂತೆಗೆ ಸಾರ್ವಜನಿಕರು ಹೆಚ್ಚಾಗಿ ಬರುವುದಿಲ್ಲವಾದ್ದರಿಮದ ಈ ಸ್ಥಳದ ಸ್ವಚ್ಚತೆ ಬಗ್ಗೆ ಸಂಬಂಧಿಸಿದವರಿಗೆ ಹೆಚ್ಚಿನ ಕಾಳಜಿ ಇಲ್ಲ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.