ಗುರುವಾರ , ಫೆಬ್ರವರಿ 25, 2021
30 °C

‘ಮಾನಸಿಕ ಗಟ್ಟಿತನದಿಂದ ಸಂಗೀತ ಸಾಧನೆ ಸಾಧ್ಯ’

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

‘ಮಾನಸಿಕ ಗಟ್ಟಿತನದಿಂದ ಸಂಗೀತ ಸಾಧನೆ ಸಾಧ್ಯ’

ಬೆಂಗಳೂರು: ‘ಮಾನಸಿಕವಾಗಿ ಗಟ್ಟಿತನ ಇದ್ದರೆ ಮಾತ್ರ ಸಂಗೀತ ಕ್ಷೇತ್ರದಲ್ಲಿ ಸಾಧನೆ ಮಾಡಲು ಸಾಧ್ಯ. ಬಿ.ಕೆ.­ಸುಮಿತ್ರ ಅವರು ಅಂತಹ ಸಾಧನೆ ಮಾಡಿದ್ದಾರೆ’ ಎಂದು ಗಾಯಕ ಎಸ್‌.ಪಿ. ಬಾಲಸುಬ್ರಹ್ಮಣ್ಯಂ ಶ್ಲಾಘಿಸಿದರು.



ಸುಂದರ ಪ್ರಕಾಶನವು ನಗರದಲ್ಲಿ ಶನಿವಾರ ಏರ್ಪಡಿಸಿದ್ದ ಸಮಾರಂಭದಲ್ಲಿ ಗೌರಿ ಸುಂದರ್‌ ಸಂಪಾದಿಸಿರುವ ಗಾಯಕಿ ಬಿ.ಕೆ.ಸುಮಿತ್ರ ಅವರ ಸಂಗೀತ ಪಯಣದ ಕುರಿತ ‘ಗಾನ ಯಾನ’ ಪುಸ್ತಕ ಬಿಡುಗಡೆ ಮಾಡಿ ಅವರು ಮಾತನಾಡಿದರು.



‘ಗಾಯನ ಕ್ಷೇತ್ರದಲ್ಲಿ 50 ವರ್ಷಗಳನ್ನು ಪೂರೈಸಿರುವ ಅವರು ಅಭಿನಂದನೆಗೆ ಅರ್ಹರು. ಅವರ ಜೊತೆಗೆ ‘ಮದುವೆ ಮದುವೆ ಮದುವೆ’ ಎಂಬ ಚಲ­ನ­ಚಿತ್ರದಲ್ಲಿ ಹಾಡಿದ್ದೇನೆ. ಅವ­ರೊಬ್ಬ ಸಂಗೀತದ ಅನನ್ಯ ಸಾಧಕಿ’ ಎಂದರು.

ರಾಜ್ಯಸಭಾ ಸದಸ್ಯ ಡಾ.ಎಂ.­ರಾಮಾಜೋಯಿಸ್‌ ಮಾತ­ನಾಡಿ, ‘ಸಂಗೀತ ಕಲಿಸಿದ ಆರಂಭಿಕ ಗುರು­ಗಳಾದ ಎಂ.ಪ್ರಭಾಕರ್‌, ಮಂಜಪ್ಪ, ತನ್ನ ಜೊತೆಗೆ ಹಾಡಿದ,  ಸಹಕಾರ ನೀಡಿದ ಎಲ್ಲರನ್ನು ಸುಮಿತ್ರಾ ಅವರು ಕೃತಿಯಲ್ಲಿ ಸ್ಮರಿಸಿಕೊಂಡಿದ್ದಾರೆ.



ಇದು ಅವರ ಸರಳತೆ, ದೊಡ್ಡತನಕ್ಕೆ  ಸಾಕ್ಷಿ’ ಎಂದರು.



ಕೃತಿ: ‘ಗಾನಯಾನ’

ಸಂಪಾದನೆ: ಗೌರಿ ಸುಂದರ್‌

ಬೆಲೆ: ರೂ 260

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.