111 ನಾಮಪತ್ರ ಸಲ್ಲಿಕೆ

ಬೆಂಗಳೂರು: ಲೋಕಸಭಾ ಚುನಾ­ವಣೆಗೆ ರಾಜ್ಯದಲ್ಲಿ ವಿವಿಧ ಪಕ್ಷಗಳ ಒಟ್ಟು 111 ಜನ ಇದುವರೆಗೆ ನಾಮ­ಪತ್ರ ಸಲ್ಲಿಸಿದ್ದಾರೆ. ಇದರಲ್ಲಿ ಕಾಂಗ್ರೆ­ಸ್ಸಿನ 14, ಬಿಜೆಪಿಯ 13 ಮತ್ತು ಜೆಡಿಎಸ್‌ನ 4 ಮಂದಿ ಸೇರಿದ್ದಾರೆ ಎಂದು ರಾಜ್ಯ ಮುಖ್ಯ ಚುನಾವಣಾ ಅಧಿಕಾರಿ ಅನಿಲ್‌ ಕುಮಾರ್‌ ಝಾ ತಿಳಿಸಿದರು.



ಆಯೋಗದ ಕಚೇರಿಯಲ್ಲಿ ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘ಶನಿವಾರ ಒಟ್ಟು 21 ಅಭ್ಯರ್ಥಿ­ಗಳು ನಾಮಪತ್ರ ಸಲ್ಲಿಸಿ­ದ್ದಾರೆ’ ಎಂದರು.



ಪ್ರಮುಖರು: ಶನಿವಾರ ನಾಮಪತ್ರ ಸಲ್ಲಿಸಿದವರಲ್ಲಿ ವಿಜಾಪುರದಿಂದ ಸಂಸದ ರಮೇಶ್‌ ಜಿಗಜಿಣಗಿ(ಬಿಜೆಪಿ), ಗುಲ್ಬರ್ಗದಲ್ಲಿ ಬಿ.ಟಿ. ಲಲಿತಾ ನಾಯಕ್‌(ಎಎಪಿ), ಚಿಕ್ಕ­ಬಳ್ಳಾಪುರ­ದಲ್ಲಿ ಜಿ.ವಿ. ಶ್ರೀರಾಮರೆಡ್ಡಿ (ಸಿಪಿಎಂ), ಚಾಮರಾಜ­ನಗರದಲ್ಲಿ ಆರ್‌. ಧ್ರುವ­ನಾರಾಯಣ(ಕಾಂಗ್ರೆಸ್‌) ಸೇರಿದ್ದಾರೆ.