<p>ನವದೆಹಲಿ (ಪಿಟಿಐ): 12ನೇ ಪಂಚವಾರ್ಷಿಕ ಯೋಜನೆ ಅವಧಿಯಲ್ಲಿ ಅಣು ಶಕ್ತಿ ಸಾಮರ್ಥ್ಯವನ್ನು 5300 ಮೆಗಾವಾಟ್ನಷ್ಟು ಹೆಚ್ಚಿಸುವ ಗುರಿಯನ್ನು ಕೇಂದ್ರ ಸರ್ಕಾರ ಹೊಂದಿದೆ. ಇದರಿಂದ ದೇಶದ ಒಟ್ಟಾರೆ ಪರಮಾಣು ವಿದ್ಯುಚ್ಛಕ್ತಿ ಸಾಮರ್ಥ್ಯ 9980 ಮೆಗಾವಾಟ್ಗಳಿಗೆ ಏರಿಕೆ ಆಗಲಿದೆ.<br /> <br /> ರಷ್ಯಾ ಸಹಯೋಗದಲ್ಲಿ ಸ್ಥಾಪಿಸಲು ಉದ್ದೇಶಿಸಲಾಗಿರುವ ಕೂಡುಂಕುಳಂ ಪರಮಾಣು ಸ್ಥಾವರದ ಎರಡು ಘಟಕಗಳಲ್ಲಿ ಉತ್ಪಾದನೆಯಾಗುವ 1000 ಮೆಗಾವಾಟ್ ವಿದ್ಯುತ್ ಕೂಡ ಈ ಪ್ರಸ್ತಾವದಲ್ಲಿ ಸೇರಿದೆ.<br /> <br /> `12ನೇ ಪಂಚವಾರ್ಷಿಕ ಯೋಜನೆ ಅವಧಿಯಲ್ಲಿ 5300 ಮೆಗಾವಾಟ್ನಷ್ಟು ಅಣುಶಕ್ತಿಉತ್ಪಾದಿಸುವ ಗುರಿ ಇದೆ~ ಎಂದು ಅಣು ಶಕ್ತಿ ಇಲಾಖೆಯು (ಡಿಎಇ) 12ನೇ ಪಂಚವಾರ್ಷಿಕ ಯೋಜನೆಗೆ ಸಿದ್ಧ ಪಡಿಸಿರುವ ಬಜೆಟ್ ಪ್ರಸ್ತಾವದಲ್ಲಿ ಉಲ್ಲೇಖಿಸಿದೆ.<br /> <br /> ಕಲ್ಪಾಕಂ ಅಣು ಸ್ಥಾವರದ 500 ಮೆಗಾವಾಟ್ ಸಾಮರ್ಥ್ಯದ ಒಂದು ಘಟಕ, ಕಕ್ರಪಾರ್ ಮತ್ತು ರಾವತ್ ಭಾಟ ಅಣು ಸ್ಥಾವರಗಳ 700 ಮೆಗಾವಾಟ್ ಸಾಮರ್ಥ್ಯದ ಎರಡು ಘಟಕಗಳಿಂದ ಉತ್ಪಾದನೆಯಾಗುವ ಅಣು ವಿದ್ಯುತ್ ಕೂಡ ಡಿಎಇ ಸಿದ್ಧಪಡಿಸಿರುವ ಪ್ರಸ್ತಾವದಲ್ಲಿದೆ.<br /> <br /> ಕೂಡುಂಕೂಳಂನ ಎರಡು ಘಟಕಗಳು ಮುಂದಿನ ಆಗಸ್ಟ್ ವೇಳೆಗೆ ಕಾರ್ಯಾರಂಭ ಮಾಡುವ ನಿರೀಕ್ಷೆ ಇದ್ದು, ಕಲ್ಪಾಕಂ ಘಟಕದಲ್ಲಿ ಉದ್ದೇಶಿತ ಗುರಿಯ ಅಣು ಶಕ್ತಿ ಉತ್ಪಾದನೆಯನ್ನು 2015-2016ರಲ್ಲಿ ಆರಂಭವಾಗುವ ಸಾಧ್ಯತೆ ಇದೆ.<br /> <br /> ಇದಲ್ಲದೆ ಗುಜರಾತ್ನ ಕಕ್ರಪಾರ್ ಮತ್ತು ರಾಜಸ್ತಾನದ ರಾವತ್ ಭಾಟಗಳಲ್ಲಿ 540 ಮೆಗಾವಾಟ್ ಸಾಮರ್ಥ್ಯದ ನಾಲ್ಕು ಘಟಕಗಳು ನಿರ್ಮಾಣದ ಹಂತದಲ್ಲಿದ್ದು, ಇವು 2016-17ರ ಹೊತ್ತಿಗೆ ಸಿದ್ಧವಾಗಲಿವೆ. ಇದರಿಂದ 2800 ಮೆಗಾವಾಟ್ನಷ್ಟು ಅಣು ಶಕ್ತಿ ಉತ್ಪಾದನೆಯ ನಿರೀಕ್ಷೆ ಇದೆ ಎಂದು ಡಿಎಇ ಪ್ರಸ್ತಾವದಲ್ಲಿ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನವದೆಹಲಿ (ಪಿಟಿಐ): 12ನೇ ಪಂಚವಾರ್ಷಿಕ ಯೋಜನೆ ಅವಧಿಯಲ್ಲಿ ಅಣು ಶಕ್ತಿ ಸಾಮರ್ಥ್ಯವನ್ನು 5300 ಮೆಗಾವಾಟ್ನಷ್ಟು ಹೆಚ್ಚಿಸುವ ಗುರಿಯನ್ನು ಕೇಂದ್ರ ಸರ್ಕಾರ ಹೊಂದಿದೆ. ಇದರಿಂದ ದೇಶದ ಒಟ್ಟಾರೆ ಪರಮಾಣು ವಿದ್ಯುಚ್ಛಕ್ತಿ ಸಾಮರ್ಥ್ಯ 9980 ಮೆಗಾವಾಟ್ಗಳಿಗೆ ಏರಿಕೆ ಆಗಲಿದೆ.<br /> <br /> ರಷ್ಯಾ ಸಹಯೋಗದಲ್ಲಿ ಸ್ಥಾಪಿಸಲು ಉದ್ದೇಶಿಸಲಾಗಿರುವ ಕೂಡುಂಕುಳಂ ಪರಮಾಣು ಸ್ಥಾವರದ ಎರಡು ಘಟಕಗಳಲ್ಲಿ ಉತ್ಪಾದನೆಯಾಗುವ 1000 ಮೆಗಾವಾಟ್ ವಿದ್ಯುತ್ ಕೂಡ ಈ ಪ್ರಸ್ತಾವದಲ್ಲಿ ಸೇರಿದೆ.<br /> <br /> `12ನೇ ಪಂಚವಾರ್ಷಿಕ ಯೋಜನೆ ಅವಧಿಯಲ್ಲಿ 5300 ಮೆಗಾವಾಟ್ನಷ್ಟು ಅಣುಶಕ್ತಿಉತ್ಪಾದಿಸುವ ಗುರಿ ಇದೆ~ ಎಂದು ಅಣು ಶಕ್ತಿ ಇಲಾಖೆಯು (ಡಿಎಇ) 12ನೇ ಪಂಚವಾರ್ಷಿಕ ಯೋಜನೆಗೆ ಸಿದ್ಧ ಪಡಿಸಿರುವ ಬಜೆಟ್ ಪ್ರಸ್ತಾವದಲ್ಲಿ ಉಲ್ಲೇಖಿಸಿದೆ.<br /> <br /> ಕಲ್ಪಾಕಂ ಅಣು ಸ್ಥಾವರದ 500 ಮೆಗಾವಾಟ್ ಸಾಮರ್ಥ್ಯದ ಒಂದು ಘಟಕ, ಕಕ್ರಪಾರ್ ಮತ್ತು ರಾವತ್ ಭಾಟ ಅಣು ಸ್ಥಾವರಗಳ 700 ಮೆಗಾವಾಟ್ ಸಾಮರ್ಥ್ಯದ ಎರಡು ಘಟಕಗಳಿಂದ ಉತ್ಪಾದನೆಯಾಗುವ ಅಣು ವಿದ್ಯುತ್ ಕೂಡ ಡಿಎಇ ಸಿದ್ಧಪಡಿಸಿರುವ ಪ್ರಸ್ತಾವದಲ್ಲಿದೆ.<br /> <br /> ಕೂಡುಂಕೂಳಂನ ಎರಡು ಘಟಕಗಳು ಮುಂದಿನ ಆಗಸ್ಟ್ ವೇಳೆಗೆ ಕಾರ್ಯಾರಂಭ ಮಾಡುವ ನಿರೀಕ್ಷೆ ಇದ್ದು, ಕಲ್ಪಾಕಂ ಘಟಕದಲ್ಲಿ ಉದ್ದೇಶಿತ ಗುರಿಯ ಅಣು ಶಕ್ತಿ ಉತ್ಪಾದನೆಯನ್ನು 2015-2016ರಲ್ಲಿ ಆರಂಭವಾಗುವ ಸಾಧ್ಯತೆ ಇದೆ.<br /> <br /> ಇದಲ್ಲದೆ ಗುಜರಾತ್ನ ಕಕ್ರಪಾರ್ ಮತ್ತು ರಾಜಸ್ತಾನದ ರಾವತ್ ಭಾಟಗಳಲ್ಲಿ 540 ಮೆಗಾವಾಟ್ ಸಾಮರ್ಥ್ಯದ ನಾಲ್ಕು ಘಟಕಗಳು ನಿರ್ಮಾಣದ ಹಂತದಲ್ಲಿದ್ದು, ಇವು 2016-17ರ ಹೊತ್ತಿಗೆ ಸಿದ್ಧವಾಗಲಿವೆ. ಇದರಿಂದ 2800 ಮೆಗಾವಾಟ್ನಷ್ಟು ಅಣು ಶಕ್ತಿ ಉತ್ಪಾದನೆಯ ನಿರೀಕ್ಷೆ ಇದೆ ಎಂದು ಡಿಎಇ ಪ್ರಸ್ತಾವದಲ್ಲಿ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
