ಶುಕ್ರವಾರ, ಜೂನ್ 25, 2021
30 °C

69 ಕೋಟಿ ತೆರಿಗೆ ಬಾಕಿ: ಜೆಟ್ ಏರ್‌ವೇಸ್‌ಗೆ ಸೂಚನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ (ಪಿಟಿಐ): ಬಾಕಿ ಉಳಿಸಿಕೊಂಡಿರುವ ಸುಮಾರು ರೂ. 69 ಕೋಟಿ ಸೇವಾ ತೆರಿಗೆಯನ್ನು  ತಕ್ಷಣವೇ  ಅಂತರರಾಷ್ಟ್ರೀಯ ವಿಮಾನ ಸಾರಿಗೆ ಸಂಘಕ್ಕೆ (ಐಎಟಿಎ) ಪಾವತಿಸುವಂತೆ ಜೆಟ್ ಏರ್‌ವೇಸ್‌ಗೆ ಸೇವಾ ತೆರಿಗೆ ಇಲಾಖೆ ಸೂಚನೆ ನೀಡಿದೆ.

ಜೆಟ್ ಏರ್‌ವೇಸ್‌ನ ಉಳಿದ ಪಾವತಿಗಳನ್ನು ಇತ್ಯರ್ಥಗೊಳಿಸುವ ಮೊದಲು, ಬಾಕಿ ಉಳಿಸಿಕೊಂಡಿರುವ ಸೇವಾ ತೆರಿಗೆ ಕಡಿತಗೊಳಿಸುವಂತೆ `ಐಎಟಿಎ~ಗೆ  ಸಲಹೆ ನೀಡಿರುವುದನ್ನು ತೆರಿಗೆ ಇಲಾಖೆ  ಮೂಲಗಳು  ಖಚಿತಪಡಿಸಿವೆ.

ಸೇವಾ ತೆರಿಗೆ ಇಲಾಖೆಯು ಕಳೆದ ಶುಕ್ರವಾರ  ವಿಮಾನಯಾನ ಸಂಸ್ಥೆಗೆ ಈ ಸೂಚನೆ ನೀಡಿದ್ದು, ಸೋಮವಾರದ ಒಳಗೆ ಬಾಕಿ ಪಾವತಿಸಲು ವಿಫಲವಾದರೆ, ಖಾತೆಗಳನ್ನು ಮುಟ್ಟುಗೋಲು ಹಾಕಿಕೊಳ್ಳುವುದಾಗಿ ಎಚ್ಚರಿಕೆ ನೀಡಿತ್ತು.

ಆದರೆ, ಇದುವರೆಗೂ ಯಾವುದೇ ಬ್ಯಾಂಕ್ ಖಾತೆಗಳನ್ನು ಮುಟ್ಟುಗೋಲು ಹಾಕಿಕೊಂಡಿಲ್ಲ. ಬಾಕಿ ಪಾವತಿ ಪ್ರಕ್ರಿಯೆ ಅಂತಿಮ ಹಂತದಲ್ಲಿದೆ ಎಂದು ಜೆಟ್ ಏರ್‌ವೇಸ್‌ನ ವಕ್ತಾರ ತಿಳಿಸಿದ್ದಾರೆ. 

ಜೆಟ್ ಏರ್‌ವೇಸ್ ಸೇರಿದಂತೆ ಪ್ರಮುಖ ವಿಮಾನಯಾನ ಸಂಸ್ಥೆಗಳ ಸಾರಿಗೆ ವ್ಯವಹಾರಗಳನ್ನು `ಐಎಟಿಎ~ ನಿರ್ವಹಿಸುತ್ತದೆ.  ಮಾರ್ಚ್ 6 ರಿಂದಲೇ ಸೇವಾ ತೆರಿಗೆ ಪಾವತಿಯನ್ನು ಜೆಟ್ ಏರ್‌ವೇಸ್ ಬಾಕಿ ಉಳಿಸಿಕೊಂಡಿದೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.