ಬುಧವಾರ, ಮೇ 12, 2021
24 °C

85ಕ್ಕೆ ಕಾಲಿಟ್ಟ ಪೋಪ್ ಬೆನ್‌ಡಿಕ್ಟ್

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ವ್ಯಾಟಿಕನ್ ಸಿಟಿ (ಐಎಎನ್‌ಎಸ್): 16ನೇ ಪೋಪ್ ಬೆನ್‌ಡಿಕ್ಟ್ ಸೋಮವಾರ ತಮ್ಮ 85ನೇ ಜನ್ಮದಿನ ಆಚರಿಸಿಕೊಂಡರು.



ಈ ಸಂದರ್ಭದಲ್ಲಿ 88 ವರ್ಷದ ಹಿರಿಯ ಸಹೋದರ ಫಾದರ್ ಜಾರ್ಜ್ ರ‌್ಯಾಟಜಿಂಗರ್ ಅವರನ್ನು ಭೇಟಿ ಮಾಡಿದ ಪೋಪ್, ವಿಶ್ವದ 1.2 ಶತಕೋಟಿಯಷ್ಟಿರುವ ಕ್ಯಾಥೋಲಿಕ್ ಸಮುದಾಯವನ್ನು ಸಮರ್ಥವಾಗಿ ಮುನ್ನಡೆಸುವ ಸಾಮರ್ಥ್ಯವನ್ನು ನೀಡುವಂತೆ ಪ್ರಾರ್ಥಿಸಲು ಕೋರಿದರು.



ಬೆನ್‌ಡಿಕ್ಟ್ ಪೋಪ್ ಎಂದು ಚುನಾಯಿತರಾದ 7ನೇ ವರ್ಷಾಚರಣೆಯನ್ನು ಸಹ ಚರ್ಚ್ ಗುರುವಾರ ಆಚರಿಸಲಿದೆ. `ಧರ್ಮಪ್ರಚಾರಕ್ಕೆ ನನ್ನನ್ನು ತೊಡಗಿಸಿಕೊಳ್ಳಲು ದೇವರು ಮತ್ತಷ್ಟು ಶಕ್ತಿ ನೀಡಲಿ~ ಎಂದು ಪೋಪ್ ಈ ಸಂದರ್ಭದಲ್ಲಿ ಇಲ್ಲಿಯ ಸೇಂಟ್ ಪೀಟರ್ ವೃತ್ತದಲ್ಲಿ ನಡೆದ ಸಭೆಯಲ್ಲಿ ಸಾವಿರಾರು ಅನುಯಾಯಿಗಳಿಗೆ ಸಂದೇಶ ನೀಡಿದರು.



ಕಳೆದ 109 ವರ್ಷಗಳಲ್ಲಿ ಬೆನ್‌ಡಿಕ್ಟ್ ಅತಿ ಹಳೆಯ ಪೋಪ್ ಆಗಿದ್ದು, ಇದಕ್ಕೂ ಮೊದಲಿನ 13ನೇ ಪೋಪ್ ಲಿಯೋ  93 ವರ್ಷ ಬದುಕಿದ್ದು 1903 ರಲ್ಲಿ ನಿಧನರಾಗಿದ್ದರು.

 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.