ಚೆನ್ನೈ: ಅಮೆರಿಕದ ಅಧ್ಯಕ್ಷೀಯ ಚುನಾವಣೆಗೆ ಇನ್ನೇನು ಕೆಲವೇ ವಾರ ಬಾಕಿ ಉಳಿದಿದೆ. ಇದರ ಅಂಗವಾಗಿ ಚೆನ್ನೈನಲ್ಲಿರುವ ಅಮೆರಿಕದ ಕಾನ್ಸುಲೇಟ್ ನಿಮ್ಮ ಮುಂದೆ ಪ್ರಶ್ನೆಯೊಂದನ್ನು ಇಟ್ಟಿದೆ. `ಒಂದು ವೇಳೆ ನೀವು ಅಧ್ಯಕ್ಷೀಯ ಚುನಾವಣೆಗೆ ಸ್ಪರ್ಧಿಸುತ್ತಿದ್ದರೆ, ಅದನ್ನು ನೀವು ಹೇಗೆ ಭಿನ್ನವಾಗಿ ಎದುರಿಸುತ್ತೀರಿ?~ ಎನ್ನುವುದೇ ಆ ಪ್ರಶ್ನೆ.
ಅದಕ್ಕೆ ಪೂರಕವಾಗಿ `ಚುನಾವಣಾ ಪ್ರಚಾರ ಅಭಿಯಾನಕ್ಕಾಗಿ ವೇದಿಕೆಯನ್ನು ಹೇಗೆ ಸಿದ್ಧಪಡಿಸುತ್ತೀರಿ~ ಎನ್ನುವ ಕುರಿತು ಒಂದು ವಿಡಿಯೋ, ಭಾಷಣ ಅಥವಾ ಘೋಷಣೆಯನ್ನು ಅಕ್ಟೋಬರ್ 27ರ ಒಳಗೆ ಕಾನ್ಸುಲೇಟ್ ವೆಬ್‌ಸೈಟ್‌ಗೆ ಕಳಿಸಿಕೊಡಬಹುದು.
ಅದಕ್ಕಾಗಿ http://chennai.usconsulate.gov/. ನ ಮುಖಪುಟದ ಮೇಲಿನ `ಸಬ್‌ಮಿಟ್ ವಿಡಿಯೋ~ ಎಂಬ ದೊಡ್ಡ ಗುಂಡಿಯನ್ನು ಕ್ಲಿಕ್ ಮಾಡಬೇಕು.ಹೆಚ್ಚಿನ ಮಾಹಿತಿ ಮತ್ತು ನಿಯಮಗಳಿಗಾಗಿ http://www.facebook.com/chennai.usconsulate ನೋಡಬಹುದು.
ಸ್ಪರ್ಧೆ: ಇದಲ್ಲದೆ `ಒಂದು ಅಭಿಯಾನ, ಒಂದು ವಿಡಿಯೋ, ಒಂದು ಮತ~ ಸೇರಿದಂತೆ ಹಲವು ಸ್ಪರ್ಧೆಗಳನ್ನು ಆಯೋಜಿಸಿದೆ.ಸ್ಪರ್ಧೆಯಲ್ಲಿ ಪಾಲ್ಗೊಳ್ಳಲು ಯಾವುದೇ ಶುಲ್ಕ ಇಲ್ಲ. ಅರ್ಜಿ ಸಲ್ಲಿಸಲು ಅಕ್ಟೋಬರ್ 27 ಕೊನೆ ದಿನ. ವಿಜೇತರಿಗೆ ಆಕರ್ಷಕ ಬಹುಮಾನ ನೀಡಲಾಗುವುದು ಎಂದು ಪ್ರಕಟಣೆ ತಿಳಿಸಿದೆ.
