ಪುಣೆ (ಪಿಟಿಐ): ವನ್ಯಜೀವಿ ನಿರ್ವಹಣಾ ವ್ಯವಸ್ಥೆಯನ್ನು ಉತ್ತಮಪಡಿಸುವ ದಿಸೆಯಲ್ಲಿ, ಕಾಡಿನೊಳಗೆ ಹೈಟೆಕ್ ಕ್ಯಾಮೆರಾಗಳನ್ನು ಅಳವಡಿಸಲು ಮಹಾರಾಷ್ಟ್ರ ಸರ್ಕಾರ ನಿರ್ಧರಿಸಿದೆ.ಇದೇ ಮೊದಲ ಬಾರಿಗೆ ಇಂತಹ ಉದ್ದೇಶಕ್ಕಾಗಿ ಈ ಬಗೆಯ ಕ್ಯಾಮೆರಾಗಳನ್ನು ಬಳಸಿಕೊಳ್ಳಲಾಗುತ್ತಿದ್ದು, ಇವು ರಾತ್ರಿ ವೇಳೆ ಓಡಾಡುವ ಪ್ರಾಣಿಗಳ ಅಂಕಿ ಅಂಶ ಸಂಗ್ರಹಿಸಲಿವೆ.
ಪುಣೆ ಹಾಗೂ ಸೋಲಾಪುರದ ಅರಣ್ಯ ಪ್ರದೇಶದ ನೀರಿನ ಮೂಲಗಳ ಬಳಿ ಇರುವ ಮರದ ಕೊಂಬೆಗಳಿಗೆ ಈ ಕ್ಯಾಮೆರಾಗಳನ್ನು ಈಗಾಗಲೇ ಪ್ರಾಯೋಗಿಕವಾಗಿ ಅಳವಡಿಸಲಾಗಿದೆ. ಇಲ್ಲಿನ ಸಸ್ತನಿಗಳು ಮತ್ತು ಪಕ್ಷಿಗಳನ್ನು ಪರಿಣಾಮಕಾರಿಯಾಗಿ ಸಂರಕ್ಷಿಸುವ ಉದ್ದೇಶ ಇದರ ಹಿಂದಿದೆ.