ಅಂಬಾಲ, (ಪಿಟಿಐ): ಇಲ್ಲಿನ ದಂಡು ರೈಲು ನಿಲ್ದಾಣದ ಬಳಿ ಗುರುವಾರ ಭಾರಿ ಸ್ಫೋಟಕ ಪತ್ತೆ ಹಚ್ಚುವ ಮೂಲಕ ಉಗ್ರರು ನಡೆಸಲು ಉದ್ದೇಶಿಸಿದ್ದ ಪ್ರಮುಖ ದುಷ್ಕೃತ್ಯನ್ನು ತಪ್ಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಲ್ಯಾಬ್ರಡಾರ್ ನಾಯಿ `ಚಿಲಿ~ ಇದೀಗ ಪೊಲೀಸರ ಮೆಚ್ಚುಗೆಗೆ ಪಾತ್ರವಾಗಿದೆ.
ಭಾರತ- ಟಿಬೆಟ್ ಗಡಿ ಪೊಲೀಸ್ ಪಡೆಯ ವಿಶೇಷ ಸ್ಫೋಟಕ ಪತ್ತೆ ತರಬೇತಿಪಡೆದಿದ್ದ 18 ತಿಂಗಳ ಈ ಕಪ್ಪು ನಾಯಿ, ಸ್ಫೋಟಕ ತುಂಬಿದ್ದ ಕಾರಿನತ್ತ ತನ್ನ ನಿರ್ವಾಹಕನನ್ನು ಎಳೆದು ತಂದಿತ್ತು. ಕಾಲುಗಳನ್ನು ಕಾರಿನ ಬಾನೆಟ್ ಮೇಲಿಟ್ಟು ಗಮನ ಸೆಳೆದಿತ್ತು.
ಚಿಲಿ ಕಾರಿನ ಬಳಿಯಿಂದ ಕದಲದೇ ಮಹತ್ವದ ಸುಳಿವು ದೊರೆಯಲು ಕಾರಣವಾಯಿತು. ಚಿಲಿ ಇದೀಗ ಹರಿಯಾಣ ಪೊಲೀಸರ ವಿಶೇಷ ಪುರಸ್ಕಾರಕ್ಕೂ ಪಾತ್ರವಾಗಿದೆ.