ಮಂಗಳೂರು: ಯುವ ಸಮೂಹವನ್ನು ದೃಷ್ಟಿಯಲ್ಲಿಟ್ಟುಕೊಂಡು ದೇಶದ ಆಯ್ದ 15 ಮಹಾ ನಗರಗಳಲ್ಲಿ ಮುಂದಿನ ತಲೆಮಾರಿನ `ಜೆನ್ ನೆಕ್ಸ್ಟ್~ ಶಾಖೆಗಳನ್ನು ತೆರೆಯಲು ವಿಜಯ ಬ್ಯಾಂಕ್ ನಿರ್ಧರಿಸಿದೆ.
ಕೆಲವು ಖಾಸಗಿ ಬಾಂಕ್‌ಗಳು ಈಗಾಗಲೇ ಇಂತಹ ವ್ಯವಸ್ಥೆ ರೂಪಿಸಿವೆ. ನಗದು ಪಡೆಯಲು ಎಟಿಎಂ ಬಳಸುತ್ತಿರುವಂತೆಯೇ ಚೆಕ್ ಮತ್ತು ನಗದು ಜಮಾ ಮಾಡಲೂ `ಜೆನ್ ನೆಕ್ಸ್ಟ್~ ಶಾಖೆಗಳು ನೆರವಾಗಲಿವೆ.
ಆದರೆ ಈ ಯಂತ್ರಗಳು ಬಹಳ ದುಬಾರಿ. ಬಳಕೆದಾರರಿಗೆ ಅನುಕೂಲ ಸ್ಥಳ ಆಯ್ದುಕೊಂಡು ಶಾಖೆ ತೆರೆಯಬೇಕಿದೆ. ಸೂಕ್ತ ಸ್ಥಳಗಳಿಗಾಗಿ ಪರಿಶೀಲನೆ ನಡೆದಿದೆ ಎಂದು ಬ್ಯಾಂಕ್ ಅಧ್ಯಕ್ಷಎಚ್.ಎಸ್.ಉಪೇಂದ್ರ ಕಾಮತ್ ಶನಿವಾರ ಇಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.
