ಬೆಂಗಳೂರಿನ ನಿವಾಸಿಯಾದ ಇವರು, ಕನ್ನಡ ಎಂ.ಎ. ಮಾಡಿದ ನಂತರ, ಜ್ಯೋತಿಷಶಾಸ್ತ್ರದ ಅಧ್ಯಯನವನ್ನು ಪ್ರಭಾಕರ್ ಕಶ್ಯಪ್ ಅವರಲ್ಲಿ ಮಾಡಿದರು. ಆಸಕ್ತಿಯಿಂದ ಶುರುವಾದ ಈ ಓದು ಸಂಶೋಧನೆಯವರೆಗೂ ಕರೆದೊಯ್ದಿತು. ‘ಚಂದ್ರ ಮತ್ತು ಮನಸ್ಸಿನ’ (‘ಚಂದ್ರಮಾ ಮನಸೋ ಜಾತಃ’) ಬಗ್ಗೆ ಸಂಶೋಧನಾ ಪ್ರಬಂಧವನ್ನು ಅಮೆರಿಕಾದ ಫ್ಲೋರಿಡಾ ವಿಶ್ವವಿದ್ಯಾಲಯಕ್ಕೆ ಸಲ್ಲಿಸಿದ್ದಾರೆ. ಅನೇಕ ಜ್ಯೋತಿಷ ಕಾರ್ಯಾಗಾರಗಳಲ್ಲಿ ಪ್ಳಬಂಧಗಳನ್ನು ಮಂಡಿಸಿದ್ದಾರೆ; ಉಪನ್ಯಾಸಗಳನ್ನೂ ನೀಡಿದ್ದಾರೆ; ಪತ್ರಿಕೆಗಳಲ್ಲಿ ಲೇಖನಗಳನ್ನೂ ಬರೆದಿದ್ದಾರೆ. ದಾಸಸಾಹಿತ್ಯದಲ್ಲೂ ಆಸಕ್ತಿ ಇರುವ ಇವರು ಪ್ರಸ್ತುತ ದಾಸಸಾಹಿತ್ಯ ಅಧ್ಯಯನದಲ್ಲಿ ತೊಡಗಿದ್ದಾರೆ.