ಹುಂಡೈ ಅಲ್ಕಾಜಾರ್ ಮಾರುಕಟ್ಟೆಗೆ; ಬೆಲೆ ₹ 16.3 ಲಕ್ಷದಿಂದ ಆರಂಭ
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ಹುಂಡೈ ಮೋಟರ್ ಇಂಡಿಯಾ ಕಂಪನಿಯು ಶುಕ್ರವಾರ ಹೊಸ ಎಸ್‌ಯುವಿ ‘ಅಲ್ಕಾಜಾರ್’ಅನ್ನು ಬಿಡುಗಡೆ ಮಾಡಿದೆ. ಇದರ ಆರಂಭಿಕ ಬೆಲೆ ₹ 16.3 ಲಕ್ಷ, ಗರಿಷ್ಠ ಬೆಲೆ ₹ 19.99 ಲಕ್ಷ (ದೆಹಲಿ ಎಕ್ಸ್‌ ಷೋರೂಂ ಬೆಲೆ).
ಆರು ಹಾಗೂ ಏಳು ಆಸನಗಳ ಸಾಮರ್ಥ್ಯದಲ್ಲಿ ಈ ವಾಹನ ಲಭ್ಯವಿರಲಿದೆ. ಈ ವಾಹನದ ಬಿಡುಗಡೆ ನಂತರ ಎಸ್‌ಯುವಿ ಮಾರುಕಟ್ಟೆಯಲ್ಲಿ ತನ್ನ ಪಾಲನ್ನು ಹೆಚ್ಚಿಸಿಕೊಳ್ಳುವ ಉದ್ದೇಶ ಕಂಪನಿಗೆ ಇದೆ. ವೆನ್ಯು, ಕ್ರೇಟಾ, ಟಕ್ಸನ್ ಎಸ್‌ಯುವಿ ವಾಹನಗಳನ್ನು ಹುಂಡೈ ಈಗಾಗಲೇ ಮಾರುಕಟ್ಟೆಗೆ ತಂದಿದೆ.
ಹೊಸ ಎಸ್‌ಯುವಿ ಅಭಿವೃದ್ಧಿಪಡಿಸಲು ₹ 650 ಕೋಟಿ ಹೂಡಿಕೆ ಮಾಡಿರುವುದಾಗಿ ಕಂಪನಿ ಹೇಳಿದೆ. ಅಲ್ಕಾಜಾರ್ ವಾಹನವು ಮಹೀಂದ್ರ ಎಕ್ಸ್‌ಯುವಿ 500, ಟಾಟಾ ಸಫಾರಿ, ಹೆಕ್ಟರ್ ಪ್ಲಸ್‌ ಜೊತೆ ಸ್ಪರ್ಧೆಗೆ ಇಳಿಯಲಿದೆ ಎಂಬುದು ಕಂಪನಿಯ ಹೇಳಿಕೆ.
2 ಲೀಟರ್ ಪೆಟ್ರೋಲ್ ಎಂಜಿನ್, 1.5 ಲೀಟರ್ ಡೀಸೆಲ್ ಎಂಜಿನ್ ಆಯ್ಕೆಗಳಲ್ಲಿ ಇದು ಗ್ರಾಹಕರಿಗೆ ಲಭ್ಯವಾಗಲಿದೆ. ಆಟೊಮ್ಯಾಟಿಕ್ ಹಾಗೂ ಮ್ಯಾನ್ಯುವಲ್‌ ಟ್ರಾನ್ಸ್‌ಮಿಷನ್ ಆಯ್ಕೆಗಳು ಕೂಡ ಇರಲಿವೆ. ಪೆಟ್ರೋಲ್ ಎಂಜಿನ್ ಇರುವ ಅಲ್ಕಾಜಾರ್ ಬೆಲೆಯು ₹ 16.3 ಲಕ್ಷದರಿಂದ ₹ 19.84 ಲಕ್ಷದ ನಡುವೆ ಇರಲಿದೆ. ಡೀಸೆಲ್ ಎಂಜಿನ್ ವಾಹನದ ಬೆಲೆಯು ₹ 16.53 ಲಕ್ಷದಿಂದ ₹ 19.99 ಲಕ್ಷದವರೆಗೆ ಇರಲಿದೆ.
ಈ ವರ್ಷದ ಜನವರಿ–ಮೇ ಅವಧಿಯಲ್ಲಿ ದೇಶದ ಎಸ್‌ಯುವಿ ಮಾರುಕಟ್ಟೆಯಲ್ಲಿ ಹುಂಡೈ ಕಂಪನಿಯ ಪಾಲು ಶೇಕಡ 23.3ರಷ್ಟು ಇತ್ತು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
