ಮಹೀಂದ್ರ 'ಥಾರ್‌ 2020' ಬಿಡುಗಡೆ: ಆರಂಭಿಕ ಬೆಲೆ ₹9.8 ಲಕ್ಷ
ಅಕ್ಷರ ಗಾತ್ರ :ಆ |ಆ |ಆ
ಮಹೀಂದ್ರ ಕಂಪನಿಯು ಹೊಸ ಎಸ್‌ಯುವಿ 'ಥಾರ್‌ 2020' ಅಧಿಕೃತ ಬಿಡುಗಡೆಯ ಜೊತೆಗೆ ಬೆಲೆ ಬಹಿರಂಗ ಪಡಿಸಿದೆ. ಆಗಸ್ಟ್‌ 15ರಂದು ಅನಾವರಣಗೊಂಡಿದ್ದ ಸೆಕೆಂಡ್‌ ಜನರೇಷನ್‌ ಥಾರ್‌ನ ಬೆಲೆ ಹೊರತಾಗಿ, ವಾಹನ ಸಾಮರ್ಥ್ಯದ ಸಂಪೂರ್ಣ ಮಾಹಿತಿ ಪ್ರಕಟಿಸಲಾಗಿತ್ತು.
ಮಹೀಂದ್ರ ಥಾರ್‌ ಎಎಕ್ಸ್‌ ಮಾದರಿಯ ಬೆಲೆ ₹9.8 ಲಕ್ಷದಿಂದ ₹12.2 ಲಕ್ಷದ ವರೆಗೂ ನಿಗದಿಯಾಗಿದೆ. ಐಷಾರಾಮಿ ಸೌಲಭ್ಯಗಳನ್ನು ಒಳಗೊಂಡಿರುವ 'ಎಲ್‌ಎಕ್ಸ್‌' ಮಾದರಿಯ ಹಾರ್ಡ್‌–ಟಾಪ್‌ ಕನ್‌ವರ್ಟಿಬಲ್‌ ಥಾರ್‌ಗೆ ₹12.49 ಲಕ್ಷ ಇದೆ ಹಾಗೂ ಡೀಸೆಲ್ ಮಾದರಿಗೆ ₹12.95 ಲಕ್ಷ ನಿಗದಿಯಾಗಿದೆ.
ಹೊಸ ಥಾರ್‌ ಮೊದಲ ಯೂನಿಟ್‌ನ್ನು ಹರಾಜು ಪ್ರಕ್ರಿಯೆ ಮೂಲಕ ₹1.10 ಕೋಟಿಗೆ ಮಾರಾಟ ಮಾಡಲಾಗಿದ್ದು, ದೆಹಲಿಯ ಆಕಾಶ್ ಮಿಂದ ಎಂಬುವವರು ಮೊದಲ ಥಾರ್‌ ಪಡೆದುಕೊಂಡಿದ್ದಾರೆ. ಥಾರ್‌ ಖರೀದಿಗೆ ಬುಕ್ಕಿಂಗ್‌ ಆರಂಭಿಸಲಾಗಿದ್ದು, ಇದೇ ತಿಂಗಳ ಕೊನೆಯ ವಾರದಿಂದ ವಾಹನ ಗ್ರಾಹಕರಿಗೆ ತಲುಪುವ ಸಾಧ್ಯತೆಯಿದೆ.
ಥಾರ್‌ ಎಸ್‌ಯುವಿಯ ಹೊರ ಮತ್ತು ಒಳಗಿನ ವಿನ್ಯಾಸ ಬಹುತೇಕ ಬದಲಾಗಿದೆ. ಆರು ಸ್ಪೀಡ್‌ ಮ್ಯಾನುಯಲ್‌ ಮತ್ತು ಆಟೊಮ್ಯಾಟಿಕ್‌ ಟ್ರಾನ್ಸ್‌ಮಿಷನ್ಸ್ ಆಯ್ಕೆಗಳಿವೆ.
The wait is over!
Book #TheAllNewThar today and gear up to #ExploreTheImpossible
Link: https://t.co/A7rYBLwkNK#MahindraThar pic.twitter.com/6uYileTGNP— Mahindra Thar (@Mahindra_Thar) October 2, 2020
.jpg)
ಹೊಸ ಥಾರ್‌ ವೈಶಿಷ್ಟ್ಯಗಳು:
* ಬಿಎಸ್‌6 ಎಂಜಿನ್: 2.0 ಲೀಟರ್‌ ಪೆಟ್ರೋಲ್‌ ಮತ್ತು 2.2 ಲೀಟರ್‌ ಡೀಸೆಲ್ ಎಂಜಿನ್ (ಎಂಹಾಕ್‌)
* ಸಾಮರ್ಥ್ಯ: ಡೀಸೆಲ್ ಎಂಜಿನ್ 120 ಎಚ್‌ಪಿ ಪವರ್‌ ಹೊಮ್ಮಿಸುತ್ತದೆ; ಪೆಟ್ರೋಲ್‌ ಎಂಜಿನ್‌ಗೆ 150 ಎಚ್‌ಪಿ ಪವರ್‌ ಸಾಮರ್ಥ್ಯವಿದೆ
* ಹೊಸ ಗಿಯರ್‌ ಬಾಕ್ಸ್‌; 6 ಸ್ಪೀಡ್‌ ಟಾರ್ಕ್‌ ಕನ್ವರ್ಟರ್‌ ಆಟೊಮೆಟಿಕ್‌ ಟ್ರಾನ್ಸ್‌ಮಿಷನ್‌ ಮತ್ತು 6 ಸ್ಪೀಡ್‌ ಮ್ಯಾನುಯಲ್‌ ಟ್ರಾನ್ಸ್‌ಮಿಷನ್‌
* ಆಸನಗಳ ಆಯ್ಕೆ: 4 ಫ್ರಂಟ್‌ ಫೇಸಿಂಗ್‌ ಸೀಟ್‌ಗಳು ಮತ್ತು 2+4 ಸೈಡ್‌ ಫೇಸಿಂಗ್‌ ಸೀಟ್‌ಗಳು
* 17.8 ಇಂಚು ಟಚ್‌ಸ್ಕ್ರೀನ್‌ ಇನ್ಫೊಟೇನ್‌ಮೆಂಟ್‌ ಸಿಸ್ಟಂ
* ರೂಫ್ ಮೌಂಟೆಡ್‌ ಸ್ಪೀಕರ್‌
* ಡ್ಯುಯಲ್‌ ಏರ್‌ಬ್ಯಾಗ್‌
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
