ಟೊಯೋಟ ರೂಮಿಯನ್‌ ಬುಕಿಂಗ್ ಆರಂಭ: ಎಕ್ಸ್‌ ಷೋರೂಂ ಬೆಲೆ, ವಿವರ ಇಲ್ಲಿದೆ

ಹೊಸ ಬಿ–ಎಂಪಿವಿಯ ಎಕ್ಸ್‌ ಷೋರೂಂ ಬೆಲೆ ₹10.29 ಲಕ್ಷದಿಂದ ಆರಂಭ ಆಗುತ್ತದೆ. ₹11 ಸಾವಿರ ಪಾವತಿಸಿ ಬುಕ್ ಮಾಡಬಹುದು ಎಂದು ಕಂಪನಿ ಹೇಳಿದೆ.

7 ಆಸನಗಳ ಎಂಪಿವಿ 1.5 ಲೀಟರ್‌ ಕೆ–ಸಿರೀಸ್‌ನ ಪೆಟ್ರೋಲ್‌ ಎಂಜಿನ್‌ ಹೊಂದಿದ್ದು, ನಿಯೋ ಡ್ರೈವ್ ತಂತ್ರಜ್ಞಾನ ಮತ್ತು ಇ–ಸಿಎನ್‌ಜಿ ತಂತ್ರಜ್ಞಾನ ಒಳಗೊಂಡಿದೆ. ಪೆಟ್ರೋಲ್‌ ಆವೃತ್ತಿಯು ಪ್ರತಿ ಲೀಟರಿಗೆ 20.51 ಕಿಲೋ ಮೀಟರ್‌ ಮತ್ತು ಸಿಎನ್‌ಜಿ ಆವೃತ್ತಿಯು ಕೆ.ಜಿಗೆ 26.11 ಕಿಲೋ ಮೀಟರ್‌ ಇಂಧನ ಕ್ಷಮತೆಯನ್ನು ಹೊಂದಿದೆ ಎಂದು ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ.