ವಾಹನ ಮಾರಾಟ: ಪರಿಷ್ಕೃತ ಅಂದಾಜು ನೀಡಿದ ಇಂಡ್‌–ರಾ

ಪ್ರಸಕ್ತ ಹಣಕಾಸು ವರ್ಷದಲ್ಲಿ ವಾಹನ ಮಾರಾಟ ಶೇಕಡ 22–25ರಷ್ಟು ಇಳಿಕೆ ಆಗಬಹುದು ಎಂದು ಅದು ಈ ಹಿಂದೆ ಹೇಳಿತ್ತು. ಆದರೆ, ಸದ್ಯದ ಬೇಡಿಕೆಯನ್ನು ಗಮನಿಸಿದರೆ ಶೇ 20 ರಿಂದ ಶೇ 25ರಷ್ಟು ಇಳಿಕೆಯಾಗಲಿದೆ ಎಂದು ಹೇಳಿದೆ.

ವಾಹನಗಳ ಮೇಲಿನ ಜಿಎಸ್‌ಟಿ ದರ ಇಳಿಕೆ ಅಥವಾ ಉತ್ತೇಜನ ಆಧಾರಿತ ಗುಜರಿ ನೀತಿ ಪ್ರಕಟಿಸಿದರೆ ಅದರಿಂದ ಮಧ್ಯಮಾವಧಿಗೆ ವಾಹನಗಳ ಬೇಡಿಕೆಯಲ್ಲಿ ಸುಧಾರಣೆ ಕಂಡುಬರುವ ಸಾಧ್ಯತೆ ಇದೆ ಎಂದು ಹೇಳಿದೆ. ಗ್ರಾಮೀಣ ಪ್ರದೇಶಗಳಲ್ಲಿ ಕೊರೊನಾ ವೈರಾಣು‌ ಹರಡುವುದು ಹೆಚ್ಚಾದರೆ ಆರ್ಥಿಕ ಚೇತರಿಕೆಗೆ ಮೇಲೆ ಅಡ್ಡ ಪರಿಣಾಮ ಉಂಟುಮಾಡಬಹದು ಎಂದು ಅದು ಎಚ್ಚರಿಕೆ ನೀಡಿದೆ.