ನವದೆಹಲಿ: ಜಾಗ್ವಾರ್‌ ಆ್ಯಂಡ್‌ ಲ್ಯಾಂಡ್ ರೋವರ್‌ ಇಂಡಿಯಾ ಕಂಪನಿಯು ಭಾರತದ ಮಾರುಕಟ್ಟೆಗೆ ಸುಧಾರಿತ ಆವೃತ್ತಿಯ ಎಫ್‌–ಪೇಸ್‌ ಎಸ್‌ಯುವಿ ಬಿಡುಗಡೆ ಮಾಡಿದೆ. ಇದರ ಎಕ್ಸ್‌ಷೋರೂಂ ಬೆಲೆ ₹ 69.99 ಲಕ್ಷ ಇದೆ.
ಪೆಟ್ರೋಲ್‌ ಮತ್ತು ಡೀಸೆಲ್‌ ಎಂಜಿನ್‌ ಆಯ್ಕೆಗಳಲ್ಲಿ ಇದು ಲಭ್ಯವಿದೆ.
2 ಲೀಟರ್ ಪೆಟ್ರೋಲ್‌ ಎಂಜಿನ್‌ 184 ಕಿಲೋ ವಾಟ್‌ ಮತ್ತು 2 ಲೀಟರ್ ಡೀಸೆಲ್‌ ಎಂಜಿನ್‌ ಗರಿಷ್ಠ 150 ಕಿಲೋ ವಾಟ್‌ ಶಕ್ತಿ ಉತ್ಪಾದಿಸಬಲ್ಲದು ಎಂದು ಕಂಪನಿ ತಿಳಿಸಿದೆ.
28.95 ಸಿಎಂ ಕಾರ್ವ್ಡ್‌ ಗ್ಲಾಸ್‌ ಎಚ್‌ಡಿ ಟಚ್‌ಸ್ಕ್ರೀನ್‌ ಇನ್ಫೊಟೇನ್‌ಮೆಂಟ್ ಸಿಸ್ಟಂ, 3ಡಿ ಸರೌಂಡೆಡ್‌ ಕ್ಯಾಮೆರಾ, ಮೆರಿಡಿಯನ್‌ ಆಡಿಯೊ ಸಿಸ್ಟಂ ಸೇರಿದಂತೆ ಇನ್ನೂ ಹಲವು ವೈಶಿಷ್ಟ್ಯಗಳನ್ನು ಒಳಗೊಂಡಿದೆ ಎಂದು ಅದು ಹೇಳಿದೆ.
