ನವದೆಹಲಿ: ಸಜ್ಜನ್ ಜಿಂದಾಲ್ ಒಡೆತನದ ಜೆಎಸ್ಡಬ್ಲ್ಯು ಸಮೂಹವು ನಾಲ್ಕು ಚಕ್ರಗಳ ವಿದ್ಯುತ್ ಚಾಲಿತ ವಾಹನಗಳನ್ನು (ಇ.ವಿ.) ತಯಾರಿಸುವ ಕುರಿತು ಪರಿಶೀಲನೆ ನಡೆಸುತ್ತಿದೆ ಎಂದು ಸಮೂಹದ ಮುಖ್ಯ ಹಣಕಾಸು ಅಧಿಕಾರಿ ಶೇಷಗಿರಿ ರಾವ್ ಹೇಳಿದ್ದಾರೆ.
ವಿದ್ಯುತ್ ಚಾಲಿತ ವಾಹನಗಳನ್ನು ತಯಾರಿಸುವ ಕುರಿತು ಕಂಪನಿಯು ಈ ಹಿಂದೆ ಪರಿಶೀಲನೆ ನಡೆಸಿತ್ತಾದರೂ ಈಗಿನ ಪರಿಸ್ಥಿತಿಯು ಇ.ವಿ. ತಯಾರಿಕೆಗೆ ಹೆಚ್ಚು ಆಕರ್ಷಕವಾಗಿ ಕಾಣುತ್ತಿದೆ ಎಂದು ಅವರು ತಿಳಿಸಿದ್ದಾರೆ.