ಬೆಂಗಳೂರು: ಮಾರ್ಚ್ 31ಕ್ಕೆ ಕೊನೆಗೊಂಡ ಹಣಕಾಸು ವರ್ಷದಲ್ಲಿ ದೇಶದಲ್ಲಿ ಒಟ್ಟು 2.30 ಲಕ್ಷ ನಕಲಿ ನೋಟುಗಳು ಪತ್ತೆಯಾಗಿದ್ದು, ಈ ಪೈಕಿ ಶೇ 101.9ರಷ್ಟು ಹೊಸ ವಿನ್ಯಾಸದ ₹500 ಮುಖಬೆಲೆಯ ನಕಲಿ ನೋಟುಗಳು ಏರಿಕೆಯಾಗಿವೆ.
₹2,000 ಮುಖಬೆಲೆಯ ನಕಲಿ ನೋಟು ಪತ್ತೆಯಲ್ಲಿ ಶೇ 54.6ರಷ್ಟು ಏರಿಕೆಯಾಗಿದೆ. ಈ ನೋಟುಗಳ ಚಲಾವಣೆ ಪ್ರಮಾಣವೂ ತೀರ ಇಳಿಕೆಯಾಗಿದೆ. ಹೊಸ ವಿನ್ಯಾಸದ ₹200 ಮುಖಬೆಲೆಯ ನಕಲಿ ನೋಟು ಪತ್ತೆಯಲ್ಲಿ ಶೇ 11.7ರಷ್ಟು ಏರಿಕೆಯಾಗಿದೆ.
ಈ ನಡುವೆ ₹50 ಮತ್ತು ₹100 ಮುಖಬೆಲೆಯ ನಕಲಿ ನೋಟುಗಳ ಸಂಖ್ಯೆ ಇಳಿಕೆಯಾಗಿದೆ. ಕ್ರಮವಾಗಿ ಶೇ 28.7 ಹಾಗೂ ಶೇ 16.7ರಷ್ಟು ಕಡಿಮೆಯಾಗಿವೆ.