ತಗ್ಗುತ್ತಿದೆ ಸಾಲದ ಪ್ರಮಾಣ: ಗೌತಮ್ ಅದಾನಿ

ನವದೆಹಲಿ: ದೇಶದ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿರುವ ಗೌತಮ್ ಅದಾನಿ ನೇತೃತ್ವದ ಅದಾನಿ ಸಮೂಹವು, ನಿವ್ವಳ ಸಾಲ ಹಾಗೂ ಕಾರ್ಯಾಚರಣೆ ಲಾಭದ ಅನುಪಾತ ಸುಧಾರಿಸಿದೆ, ಸರ್ಕಾರಿ ಸ್ವಾಮ್ಯದ ಬ್ಯಾಂಕ್ಗಳಿಂದ ಪಡೆದಿರುವ ಸಾಲದ ಮೊತ್ತವು ಶೇಕಡ 50ಕ್ಕಿಂತ ಕಡಿಮೆ ಆಗಿದೆ ಎಂದು ಹೇಳಿದೆ.

. ಸಮೂಹವು ಹೆಚ್ಚು ಸಾಲದಲ್ಲಿದೆ ಎಂದು ಕ್ರೆಡಿಟ್ಸೈಟ್ಸ್ ಸಂಸ್ಥೆಯ ವರದಿಯೊಂದು ಈಚೆಗೆ ಹೇಳಿತ್ತು. ಈ ವರದಿಗೆ ಸಮೂಹವು 15 ಪುಟಗಳ ಪ್ರತಿಕ್ರಿಯೆ ನೀಡಿದೆ. ಸಮೂಹದ ಕಂಪನಿಗಳು ನಿರಂತರವಾಗಿ ಸಾಲವನ್ನು ಕಡಿಮೆ ಮಾಡಿಕೊಳ್ಳುತ್ತಿವೆ ಎಂದು ಹೇಳಿದೆ.

. ‘ಕಂಪನಿಗಳ ವಹಿವಾಟು ಸರಳವೂ ಬಲಿಷ್ಠವೂ ಆದ ನೆಲೆಯಲ್ಲಿ ನಡೆಯುತ್ತಿದೆ’ ಎಂದು ಅದು ಹೇಳಿದೆ. ಈ ವರ್ಷದ ಮಾರ್ಚ್ ವೇಳೆಗೆ ಸಮೂಹದ ಒಟ್ಟು ಸಾಲವು ₹ 1.88 ಲಕ್ಷ ಕೋಟಿ ಆಗಿತ್ತು, ನಿವ್ವಳ ಸಾಲವು ₹ 1.61 ಲಕ್ಷ ಕೋಟಿ ಆಗಿತ್ತು ಎಂದು ಹೇಳಿದೆ.

. 2015–16ರಲ್ಲಿ ಸಮೂಹ ಪಡೆದ ಒಟ್ಟು ಸಾಲದಲ್ಲಿ ಸರ್ಕಾರಿ ಬ್ಯಾಂಕ್ಗಳ ಪಾಲು ಶೇಕಡ 55ರಷ್ಟು ಇತ್ತು. ಇದು 2021–22ರಲ್ಲಿ ಶೇ 21ಕ್ಕೆ ಇಳಿಕೆಯಾಗಿದೆ ಎಂದು ಸಮೂಹ ವಿವರಿಸಿದೆ. 2015–16ರಲ್ಲಿ ಒಟ್ಟು ಸಾಲದಲ್ಲಿ ಖಾಸಗಿ ಬ್ಯಾಂಕ್ಗಳ ಪಾಲು ಶೇ 31ರಷ್ಟು ಇದ್ದಿದ್ದು ಈಗ ಶೇ 11ಕ್ಕೆ ಇಳಿಕೆಯಾಗಿದೆ. ಬಾಂಡ್ಗಳ ಮೂಲಕ ಸಂಗ್ರಹಿಸಿರುವ ಸಾಲದ ಪ್ರಮಾಣವು ಹಿಂದೆ ಶೇ 14ರಷ್ಟು ಇದ್ದಿದ್ದು ಈಗ ಶೇ 50ಕ್ಕೆ ಹೆಚ್ಚಳವಾಗಿದೆ.

. ಹಾಲಿ ಹಾಗೂ ಹೊಸ ಉದ್ದಿಮೆಗಳಲ್ಲಿ ಹೂಡಿಕೆ ಮಾಡಲು ಸಮೂಹವು ಸಾಲವಾಗಿ ಪಡೆದ ಹಣವನ್ನು ಹೆಚ್ಚಾಗಿ ಬಳಕೆ ಮಾಡುತ್ತಿದೆ ಎಂದು ಕ್ರೆಡಿಟ್ಸೈಟ್ಸ್ ವರದಿಯು ಹೇಳಿತ್ತು.

. ಅದಾನಿ ಸಮೂಹ ನೀಡಿರುವ ಅಂಕಿ–ಅಂಶಗಳು ಕ್ರೆಡಿಟ್ಸೈಟ್ಸ್ ವರದಿಯಲ್ಲಿ ಇರುವ ಅಂಕಿ–ಅಂಶಗಳಿಗಿಂತ ಭಿನ್ನವಾಗಿವೆ. ಸಮೂಹದ ಸಾಲದ ಪ್ರಮಾಣವು ಆರೋಗ್ಯಕರ ಮಟ್ಟದಲ್ಲಿ ಇದೆ, ಉದ್ಯಮದ ಮಾನದಂಡಗಳಿಗೆ ಅನುಗುಣವಾಗಿದೆ ಎಂದು ಸಮೂಹ ಹೇಳಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ತಗ್ಗುತ್ತಿದೆ ಸಾಲದ ಪ್ರಮಾಣ: ಗೌತಮ್ ಅದಾನಿ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್