ನವದೆಹಲಿ: ಪೆಟ್ರೋಲ್ ಬೆಲೆಯು ₹ 100ರ ಗಡಿ ದಾಟಿದ ನಂತರ ರಾಜಸ್ಥಾನದಲ್ಲಿ ಈಗ ಡೀಸೆಲ್ ಬೆಲೆಯು ಲೀಟರಿಗೆ ₹ 100ರ ಗಡಿಯನ್ನು ಸಮೀಪಿಸಿದೆ. ಸರ್ಕಾರಿ ಸ್ವಾಮ್ಯದ ತೈಲ ಮಾರಾಟ ಕಂಪನಿಗಳು ಶುಕ್ರವಾರ ಪೆಟ್ರೋಲ್ ಬೆಲೆಯನ್ನು 29 ಪೈಸೆ ಹಾಗೂ ಡೀಸೆಲ್ ಬೆಲೆಯನ್ನು 28 ಪೈಸೆ ಹೆಚ್ಚಿಸಿವೆ.
ರಾಜಸ್ಥಾನದ ಶ್ರೀಗಂಗಾನಗರ ಜಿಲ್ಲೆಯಲ್ಲಿ ಡೀಸೆಲ್ ಬೆಲೆಯು ₹ 99.80ಕ್ಕೆ ತಲುಪಿದೆ. ಪ್ರೀಮಿಯಂ ಡೀಸೆಲ್ ದರ ಇಲ್ಲಿ ಈಗಾಗಲೇ ₹ 103.47 ಆಗಿದೆ. ಬೆಂಗಳೂರಿನಲ್ಲಿ ಪೆಟ್ರೋಲ್ ಬೆಲೆ ₹ 99.11, ಡೀಸೆಲ್ ಬೆಲೆ ₹ 92.03 ಆಗಿದೆ.
