ನವದೆಹಲಿ: ಸಬ್ಸಿಡಿ ಸಹಿತ ಅಡುಗೆ ಅನಿಲ (ಎಲ್‌ಪಿಜಿ) ಪ್ರತಿ ಸಿಲಿಂಡರ್‌ ದರ ₹ 3.02ರಂತೆ ಕಡಿಮೆ ಮಾಡಲಾಗಿದೆ. ಇದರಿಂದ 14.2 ಕೆ.ಜಿಯ ಸಿಲಿಂಡರ್‌ ದರ ₹ 492.04ಕ್ಕೆ ಇಳಿಕೆಯಾಗಿದೆ.
ಅಂತರರಾಷ್ಟ್ರೀಯ ತೈಲ ದರಕ್ಕೆ ಅನುಗುಣವಾಗಿ ಪರಿಷ್ಕರಣೆ ಮಾಡಲಾಗಿದೆ ಎಂದು ಕಂಪನಿಗಳು ತಿಳಿಸಿವೆ.
ಬೆಂಗಳೂರಿನಲ್ಲಿ ಎಚ್‌ಪಿ ಸಿಲಿಂಡರ್‌ ದರ ₹ 739 ಇತ್ತು. ಅದು ₹ 735.98ಕ್ಕೆ ಇಳಿಕೆಯಾಗಿದೆ.ಮಾರ್ಚ್‌ವರೆಗೂ ಸತತ ನಾಲ್ಕು ತಿಂಗಳವರೆಗೆ ಪ್ರತಿ ಸಿಲಿಂಡರ್‌ಗೆ ₹ 3.84 ಏರಿಕೆ ಮಾಡಲಾಗಿತ್ತು.
ಸೀಮೆ ಎಣ್ಣೆ: ಪಡಿತರ ವ್ಯವಸ್ಥೆ ಮೂಲಕ ವಿತರಿಸುವ ಸೀಮೆಎಣ್ಣೆ ದರ ಲೀಟರಿಗೆ 25 ಪೈಸೆ ಹೆಚ್ಚಾಗಿದ್ದು, ಮುಂಬೈನಲ್ಲಿ ಲೀಟರ್‌ಗೆ ₹ 15.25ಕ್ಕೆ ತಲುಪಿದೆ. ಆದರೆ,ಮುಕ್ತ ಮಾರುಕಟ್ಟೆಯ ದರ ₹ 2.01ರಂತೆ ಕಡಿಮೆಯಾಗಿ ₹ 63.93 ರಿಂದ ₹ 61.92ಕ್ಕೆ ಇಳಿಕೆಯಾಗಿದೆ.
