ಮುಂಬೈ: ಯುಪಿಐ ಮೂಲಕ ನಡೆಸುವ ಸ್ವಯಂಚಾಲಿತ ಪಾವತಿಗಳ ಮಿತಿಯನ್ನು ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಮಂಗಳವಾರ ₹1 ಲಕ್ಷಕ್ಕೆ ಹೆಚ್ಚಿಸಿದೆ.
ಮ್ಯೂಚುವಲ್ ಫಂಡ್‌ಗಳಿಗೆ ಚಂದಾದಾರಿಕೆ, ವಿಮಾ ಕಂತುಗಳ ಪಾವತಿ ಮತ್ತು ಕ್ರೆಡಿಟ್ ಕಾರ್ಡ್ ಬಿಲ್ ಪಾವತಿಗಳಿಗಾಗಿ ಪ್ರತಿ ವಹಿವಾಟಿಗೆ ₹15 ಸಾವಿರದಿಂದ ₹1 ಲಕ್ಷಕ್ಕೆ ಮಿತಿ ಹೆಚ್ಚಿಸಲು ನಿರ್ಧರಿಸಲಾಗಿದೆ ಎಂದು ಆರ್‌ಬಿಐ ತಿಳಿಸಿದೆ.
ರಿಸರ್ವ್ ಬ್ಯಾಂಕ್ ಗವರ್ನರ್ ಶಕ್ತಿಕಾಂತ ದಾಸ್ ಅವರು ಕಳೆದ ವಾರ ಡಿಸೆಂಬರ್ ದ್ವೈಮಾಸಿಕ ಹಣಕಾಸು ನೀತಿಯನ್ನು ಅನಾವರಣಗೊಳಿಸುವ ವೇಳೆ ಈ ಬಗ್ಗೆ ಘೋಷಿಸಿದ್ದರು.
