ಬ್ಯಾಂಕ್‌ ಸಾಲ ನೀಡಿಕೆ ಇಳಿಕೆ

ಆರ್ಥಿಕ ಬೆಳವಣಿಗೆಯು ಮಂದಗತಿ ಯಲ್ಲಿ ಸಾಗುತ್ತಿದ್ದು, ಬೇಡಿಕೆ ಕುಸಿತ ಮತ್ತು ಬ್ಯಾಂಕ್‌ಗಳ ಹಣಕಾಸು ಸ್ಥಿತಿ ಉತ್ತಮವಾಗಿ ಇಲ್ಲದೇ ಇರುವುದು ಈ ಪರಿಸ್ಥಿತಿಗೆ ಕಾರಣವಾಗಿದೆ ಎಂದಿದೆ.

ಬ್ಯಾಂಕ್‌ಗಳ ಮುಂಗಡವು ಶೇ 5.38ರಷ್ಟಿದ್ದು, ಇದು 1962ರ ಮಾರ್ಚ್‌ ನಂತರದ ಅತಿ ಕನಿಷ್ಠ ಮಟ್ಟವಾಗಿದೆ.

2020ರ ಮಾರ್ಚ್‌ 27ಕ್ಕೆ ಕೊನೆಗೊಂಡ ವಾರದಲ್ಲಿ ಮುಂಗಡ ₹ 103.7 ಲಕ್ಷ ಕೋಟಿ ಇದ್ದು, 2019 ಮಾರ್ಚ್‌ 29ರ ಅಂತ್ಯದಲ್ಲಿ ₹97.71 ಲಕ್ಷ ಕೋಟಿ ಇತ್ತು.

ಠೇವಣಿ ಸಂಗ್ರಹವು ಶೇ 7.93ರಷ್ಟು ಹೆಚ್ಚಾಗಿದ್ದು, 125.73 ಲಕ್ಷ ಕೋಟಿಗಳಿಂದ ₹ 135.71 ಲಕ್ಷ ಕೋಟಿಗಳಿಗೆ ಏರಿಕೆಯಾಗಿದೆ.

‘ದೇಶದ ಆರ್ಥಿಕ ಬೆಳವಣಿಗೆಯು ಮಂದಗತಿಯಲ್ಲಿ ಸಾಗುತ್ತಿದ್ದು, ಜೂನ್‌ ತ್ರೈಮಾಸಿಕದ ಬೆಳವಣಿಗೆ ದರದಲ್ಲಿ ಕೋವಿಡ್‌–19 ಪರಿಣಾಮವನ್ನು ಸ್ಪಷ್ಟವಾಗಿ ಕಾಣಿಸಲಿದೆ’ ಎಂದು ಫಿಚ್‌ ರೇಟಿಂಗ್ಸ್‌ನ ನಿರ್ದೇಶಕ ಎಸ್‌. ಗುಹಾ ಹೇಳಿದ್ದಾರೆ.