ಬೆಂಗಳೂರು: ‘ಕೋವಿಡ್‌–19’ ಪಿಡುಗಿನಿಂದಾಗಿ ಗ್ರಾಹಕರು ಎದುರಿಸುತ್ತಿರುವ ಹಣಕಾಸು ಸಮಸ್ಯೆಗಳಿಗೆ ಪರಿಹಾರ ಒದಗಿಸಲು ಕೆನರಾ ಬ್ಯಾಂಕ್‌ ವಿಶೇಷ ಚಿನ್ನದ ಸಾಲ ಯೋಜನೆ ಜಾರಿಗೊಳಿಸಿದೆ.
ಚಿನ್ನಾಭರಣ ಅಡಮಾನ ಇರಿಸಿ ಸಾಲ ಪಡೆಯುವ ಈ ಯೋಜನೆಯು ಜೂನ್‌ 30ರವರೆಗೂ ಜಾರಿಯಲ್ಲಿ ಇರಲಿದೆ. ವಾರ್ಷಿಕ ಶೇ 7.85ರ ಬಡ್ಡಿದರದಲ್ಲಿ ಸಾಲ ಸೌಲಭ್ಯ ಸಿಗಲಿದೆ.
ಕೃಷಿ ಮತ್ತು ಅದಕ್ಕೆ ಸಂಬಂಧಿಸಿದ ಚಟುವಟಿಕೆಗಳ ಮೇಲಿನ ವೆಚ್ಚ, ಉದ್ದಿಮೆ ವಹಿವಾಟು, ಆರೋಗ್ಯ ತುರ್ತುಪರಿಸ್ಥಿತಿ ಮತ್ತು ವೈಯಕ್ತಿಕ ಉದ್ದೇಶಗಳಿಗಾಗಿ ಈ ಸಾಲ ಬಳಸಬಹುದಾಗಿದೆ. ದೇಶದಾದ್ಯಂತ ಇರುವ ಬ್ಯಾಂಕ್‌ನ ಎಲ್ಲಾ ಶಾಖೆಗಳಲ್ಲಿಯೂ ಈ ಸೌಲಭ್ಯ ಲಭ್ಯವಿದೆ ಎಂದು ಬ್ಯಾಂಕ್‌ ಪ್ರಕಟಣೆಯಲ್ಲಿ ತಿಳಿಸಿದೆ.
