ಬೆಂಗಳೂರು: ಸರ್ಕಾರಿ ಸ್ವಾಮ್ಯದ ತೈಲ ಮಾರಾಟ ಕಂಪನಿಗಳು ವಾಣಿಜ್ಯ ಬಳಕೆಯ 19 ಕೆ.ಜಿಯ ಅಡುಗೆ ಅನಿಲ (ಎಲ್‌ಪಿಜಿ) ಸಿಲಿಂಡರ್ ದರದಲ್ಲಿ ₹102.50 ಇಳಿಕೆ ಮಾಡಿವೆ. ಈ ದರ ಇಳಿಕೆಯಿಂದಾಗಿ ಹೋಟೆಲ್‌ನಲ್ಲಿ ಊಟ ಉಪಾಹಾರದ ದರದಲ್ಲಿ ಮತ್ತೆ ಇಳಿಕೆಆಗುವ ಸಾಧ್ಯತೆ ಇದೆ.
ಇಂಡಿಯನ್‌ ಆಯಿಲ್‌ ಕಾರ್ಪೊರೇಷನ್‌ ಲಿಮಿಟೆಡ್‌ ಜಾಲತಾಣದಲ್ಲಿ ಇರುವ ಮಾಹಿತಿಯ ಪ್ರಕಾರ, ಬೆಂಗಳೂರಿನಲ್ಲಿ 19 ಕೆ.ಜಿ. ವಾಣಿಜ್ಯ ಬಳಕೆಯ ಸಿಲಿಂಡರ್ ದರವು ₹2,083ಕ್ಕೆ ಇಳಿಕೆ ಆಗಿದೆ.
ಈ ಹಿಂದೆ ನವೆಂಬರ್‌ 1ರಂದು ಸಿಲಿಂಡರ್ ದರದಲ್ಲಿ ₹266 ಮತ್ತು ಡಿಸೆಂಬರ್‌ 1ರಂದು ಒಂದು ಸಿಲಿಂಡರ್ ದರದಲ್ಲಿ ₹ 100 ಏರಿಕೆ ಮಾಡಲಾಗಿತ್ತು
ಗೃಹ ಬಳಕೆಯ 14.2 ಕೆ.ಜಿ.ಯ ಎಲ್‌ಪಿಜಿ ಸಿಲಿಂಡರ್‌ಗಳ ದರದಲ್ಲಿ ಯಾವುದೇ ಇಳಿಕೆ ಆಗಿಲ್ಲ.
Commercial LPG cylinder prices slashed by Rs 102.50
