<p><strong>ನವದೆಹಲಿ: </strong>ಎಥೆನಾಲ್ ಮತ್ತು ಪೆಟ್ರೋಲ್ ಬಳಸಲು ಸಾಧ್ಯವಾಗುವ ಎಂಜಿನ್ಗಳನ್ನು ವಾಹನಗಳಲ್ಲಿ ಅಳವಡಿಸುವ ಕುರಿತು ಎಂಟರಿಂದ 10 ದಿನಗಳಲ್ಲಿ ಸರ್ಕಾರ ನಿರ್ಧಾರ ತೆಗೆದುಕೊಳ್ಳಲಿದೆ ಎಂದು ಕೇಂದ್ರ ಸಚಿವ ನಿತಿನ್ ಗಡ್ಕರಿ ತಿಳಿಸಿದ್ದಾರೆ.</p>.<p>ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಅವರು, ‘ಪರ್ಯಾಯ ಇಂಧನವಾದ ಎಥೆನಾಲ್ ಬೆಲೆ ಪ್ರತಿ ಲೀಟರಿಗೆ ₹ 60ರಿಂದ ₹ 62ರಷ್ಟಿದೆ. ಪೆಟ್ರೋಲ್ ದರವು ಲೀಟರಿಗೆ ದೇಶದ ಹಲವು ಭಾಗಗಳಲ್ಲಿ ₹ 100ಕ್ಕಿಂತ ಹೆಚ್ಚಿದೆ. ಎಥೆನಾಲ್ ಬಳಕೆಯಿಂದ ಭಾರತೀಯರಿಗೆ ಪ್ರತಿ ಲೀಟರಿಗೆ ₹ 30ರಿಂದ ₹ 35ರವರೆಗೆ ಉಳಿತಾಯವಾಗಲಿದೆ’ ಎಂದರು.</p>.<p>ಎಥೆನಾಲ್ ಬಳಕೆಯಿಂದ ರೈತರಿಗೆ ಅನುಕೂಲ ಆಗುವ ಜತೆಗೆ ದೇಶದ ಆರ್ಥಿಕ ಬೆಳವಣಿಗೆಗೂ ಉತ್ತೇಜನ ಸಿಗಲಿದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.</p>.<p>‘ಪೆಟ್ರೋಲ್ ಮಾತ್ರ ಬಳಸುವ ಎಂಜಿನ್ ಇರಬಾರದು. ಎಥೆನಾಲ್ ಅಥವಾ ಪೆಟ್ರೋಲ್ ಇವೆರಡರಲ್ಲಿ ಯಾವುದನ್ನು ಬೇಕಿದ್ದರೂ ಬಳಸಲು ಆಗುವಂತಹ ಎಂಜಿನ್ ಇರಬೇಕು ಎಂದು ಸಾರಿಗೆ ಸಚಿವನಾಗಿ ನಾನು ಉದ್ಯಮಕ್ಕೆ ಆದೇಶಿಸಲಿದ್ದೇನೆ. ಇಂತಹ ಆಯ್ಕೆ ಇದ್ದರೆ ಶೇಕಡ 100ರಷ್ಟು ಕಚ್ಚಾ ತೈಲ ಅಥವಾ ಶೇ 100ರಷ್ಟು ಎಥೆನಾಲ್ ಬಳಕೆಗೆ ಜನರಿಗೆ ಅವಕಾಶ ಸಿಗಲಿದೆ’ ಎಂದು ಹೇಳಿದ್ದಾರೆ.</p>.<p>ಪೆಟ್ರೋಲ್ಗಿಂತಲೂ ಎಥೆನಾಲ್ ಉತ್ತಮ ಇಂಧನ. ಕಡಿಮೆ ವೆಚ್ಚದ್ದು ಮತ್ತು ಮಾಲಿನ್ಯ ಮುಕ್ತವೂ ಆಗಿದೆ ಎಂದಿದ್ದಾರೆ.</p>.<p>ಬ್ರೆಜಿಲ್, ಕೆನಡಾ ಮತ್ತು ಅಮೆರಿಕದಲ್ಲಿ ಪರ್ಯಾಯ ಇಂಧನದ ಆಯ್ಕೆಯನ್ನು ಗ್ರಾಹಕರಿಗೆ ನೀಡಲಾಗುತ್ತಿದೆ. ಶೇ 100ರಷ್ಟು ಪೆಟ್ರೋಲ್ ಅಥವಾ ಶೇ 100ರಷ್ಟು ಬಯೋ ಎಥೆನಾಲ್ ಆಯ್ಕೆ ಮಾಡಿಕೊಳ್ಳಲು ಅವಕಾಶ ಇದೆ ಎಂದು ಅವರು ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ಎಥೆನಾಲ್ ಮತ್ತು ಪೆಟ್ರೋಲ್ ಬಳಸಲು ಸಾಧ್ಯವಾಗುವ ಎಂಜಿನ್ಗಳನ್ನು ವಾಹನಗಳಲ್ಲಿ ಅಳವಡಿಸುವ ಕುರಿತು ಎಂಟರಿಂದ 10 ದಿನಗಳಲ್ಲಿ ಸರ್ಕಾರ ನಿರ್ಧಾರ ತೆಗೆದುಕೊಳ್ಳಲಿದೆ ಎಂದು ಕೇಂದ್ರ ಸಚಿವ ನಿತಿನ್ ಗಡ್ಕರಿ ತಿಳಿಸಿದ್ದಾರೆ.</p>.<p>ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಅವರು, ‘ಪರ್ಯಾಯ ಇಂಧನವಾದ ಎಥೆನಾಲ್ ಬೆಲೆ ಪ್ರತಿ ಲೀಟರಿಗೆ ₹ 60ರಿಂದ ₹ 62ರಷ್ಟಿದೆ. ಪೆಟ್ರೋಲ್ ದರವು ಲೀಟರಿಗೆ ದೇಶದ ಹಲವು ಭಾಗಗಳಲ್ಲಿ ₹ 100ಕ್ಕಿಂತ ಹೆಚ್ಚಿದೆ. ಎಥೆನಾಲ್ ಬಳಕೆಯಿಂದ ಭಾರತೀಯರಿಗೆ ಪ್ರತಿ ಲೀಟರಿಗೆ ₹ 30ರಿಂದ ₹ 35ರವರೆಗೆ ಉಳಿತಾಯವಾಗಲಿದೆ’ ಎಂದರು.</p>.<p>ಎಥೆನಾಲ್ ಬಳಕೆಯಿಂದ ರೈತರಿಗೆ ಅನುಕೂಲ ಆಗುವ ಜತೆಗೆ ದೇಶದ ಆರ್ಥಿಕ ಬೆಳವಣಿಗೆಗೂ ಉತ್ತೇಜನ ಸಿಗಲಿದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.</p>.<p>‘ಪೆಟ್ರೋಲ್ ಮಾತ್ರ ಬಳಸುವ ಎಂಜಿನ್ ಇರಬಾರದು. ಎಥೆನಾಲ್ ಅಥವಾ ಪೆಟ್ರೋಲ್ ಇವೆರಡರಲ್ಲಿ ಯಾವುದನ್ನು ಬೇಕಿದ್ದರೂ ಬಳಸಲು ಆಗುವಂತಹ ಎಂಜಿನ್ ಇರಬೇಕು ಎಂದು ಸಾರಿಗೆ ಸಚಿವನಾಗಿ ನಾನು ಉದ್ಯಮಕ್ಕೆ ಆದೇಶಿಸಲಿದ್ದೇನೆ. ಇಂತಹ ಆಯ್ಕೆ ಇದ್ದರೆ ಶೇಕಡ 100ರಷ್ಟು ಕಚ್ಚಾ ತೈಲ ಅಥವಾ ಶೇ 100ರಷ್ಟು ಎಥೆನಾಲ್ ಬಳಕೆಗೆ ಜನರಿಗೆ ಅವಕಾಶ ಸಿಗಲಿದೆ’ ಎಂದು ಹೇಳಿದ್ದಾರೆ.</p>.<p>ಪೆಟ್ರೋಲ್ಗಿಂತಲೂ ಎಥೆನಾಲ್ ಉತ್ತಮ ಇಂಧನ. ಕಡಿಮೆ ವೆಚ್ಚದ್ದು ಮತ್ತು ಮಾಲಿನ್ಯ ಮುಕ್ತವೂ ಆಗಿದೆ ಎಂದಿದ್ದಾರೆ.</p>.<p>ಬ್ರೆಜಿಲ್, ಕೆನಡಾ ಮತ್ತು ಅಮೆರಿಕದಲ್ಲಿ ಪರ್ಯಾಯ ಇಂಧನದ ಆಯ್ಕೆಯನ್ನು ಗ್ರಾಹಕರಿಗೆ ನೀಡಲಾಗುತ್ತಿದೆ. ಶೇ 100ರಷ್ಟು ಪೆಟ್ರೋಲ್ ಅಥವಾ ಶೇ 100ರಷ್ಟು ಬಯೋ ಎಥೆನಾಲ್ ಆಯ್ಕೆ ಮಾಡಿಕೊಳ್ಳಲು ಅವಕಾಶ ಇದೆ ಎಂದು ಅವರು ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>