ನವದೆಹಲಿ: ಸತತ 15ನೇ ದಿನವೂ ಪೆಟ್ರೋಲ್ ಹಾಗೂ ಡೀಸೆಲ್ ಬೆಲೆಯಲ್ಲಿ ಏರಿಕೆಯಾಗಿದೆ. ಭಾನುವಾರ ಡೀಸೆಲ್ ಪ್ರತಿ ಲೀಟರ್‌ಗೆ 60 ಪೈಸೆ ಹಾಗೂ ಪೆಟ್ರೋಲ್ ಪ್ರತಿ ಲೀಟರ್‌ಗೆ 35 ಪೈಸೆ ಏರಿಕೆ ದಾಖಲಿಸಿವೆ. ಕಳೆದ ಎರಡು ವಾರಗಳ ಅವಧಿಯಲ್ಲಿ ಒಟ್ಟಾರೆಯಾಗಿ ಡೀಸೆಲ್ ₹8.88 ಹಾಗೂ ಪೆಟ್ರೋಲ್ ₹7.97 ಏರಿಕೆ ಕಂಡಿವೆ.
ದೆಹಲಿಯಲ್ಲಿ ಪೆಟ್ರೋಲ್ ದರ ₹79.23, ಡೀಸೆಲ್ ದರ ₹77.67 ದಾಖಲಾಗಿದೆ.ಮುಂಬೈನಲ್ಲಿ ಪೆಟ್ರೋಲ್ ದರ ₹86.06 ಇದ್ದರೆ, ಡೀಸೆಲ್ ದರ ₹76.69 ಆಗಿದೆ. ಸ್ಥಳೀಯ ತೆರಿಗೆ ಆಧರಿಸಿ ಈ ದರಗಳು ರಾಜ್ಯದಿಂದ ರಾಜ್ಯಕ್ಕೆ ವ್ಯತ್ಯಾಸವಾಗಲಿವೆ.
ಪೆಟ್ರೋಲ್, ಡೀಸೆಲ್ ಬೆಲೆಗಳಲ್ಲಿ ಎರಡನೇ ಮೂರರಷ್ಟು ತೆರಿಗೆ ಸೇರಿದೆ. ಪೆಟ್ರೋಲ್‌ಗೆ ಕೇಂದ್ರದ ತೆರಿಗೆ ₹32.98 ಹಾಗೂ ಸ್ಥಳೀಯ ಮಾರಾಟ ತೆರಿಗೆ ₹17.71 ಸೇರಿ ₹50.69 ಹೆಚ್ಚುವರಿ ಹೊರೆ ಗ್ರಾಹಕನ ಮೇಲೆ ಬೀಳುತ್ತಿದೆ. ಡೀಸೆಲ್ ಮಾರಾಟದಲ್ಲಿ ಶೇ 63ರಷ್ಟು ತೆರಿಗೆ ಒಳಗೊಂಡಿದೆ. ₹31.83 ಕೇಂದ್ರದ ತೆರಿಗೆ ಹಾಗೂ ₹17.69 ಸ್ಥಳೀಯ ತೆರಿಗೆ ಸೇರಿ ₹49.43 ಒಟ್ಟಾರೆ ಹೊರೆ ಬೀಳುತ್ತಿದೆ.
