ಭಾನುವಾರ, ಡಿಸೆಂಬರ್ 5, 2021
27 °C

ಡ್ರೋನ್‌ಡೆಕ್‌ ಜೊತೆ ಬಿಇಎಲ್ ಒಪ್ಪಂದ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಭಾರತ್ ಎಲೆಕ್ಟ್ರಾನಿಕ್ಸ್ ಲಿಮಿಟೆಡ್ (ಬಿಇಎಲ್) ಕಂಪನಿಯು ಡ್ರೋನ್‌ಡೆಕ್‌ ಕಾರ್ಪೊರೇಷನ್ ಜೊತೆ ಒಪ್ಪಂದ ಮಾಡಿಕೊಂಡಿದ್ದು, ಡ್ರೋನ್‌ಡೆಕ್‌ ಅಭಿವೃದ್ಧಿಪಡಿಸಿರುವ, ಚೂಟಿ ಮೇಲ್‌ಬಾಕ್ಸ್‌ ತಯಾರಿಕೆಯಲ್ಲಿ ನೆರವು ನೀಡಲಿದೆ. ಬಿಇಎಲ್ ಜೊತೆಗಿನ ಸಹಭಾಗಿತ್ವದಲ್ಲಿ ತಯಾರಾಗುವ ಡ್ರೋನ್‌ಡೆಕ್ ಮೇಲ್‌ಬಾಕ್ಸ್‌ಅನ್ನು ವಿಶ್ವದಾದ್ಯಂತ ಮಾರಾಟಕ್ಕೆ ಬಳಸಿಕೊಳ್ಳಲಾಗುತ್ತದೆ.

ಡ್ರೋನ್‌ಡೆಕ್‌ ಮೇಲ್‌ಬಾಕ್ಸ್‌ಗಳು ಡ್ರೋನ್‌ ಮೂಲಕ ರವಾನೆ ಆಗುವ ವಸ್ತುಗಳನ್ನು ಸ್ವೀಕರಿಸುವಲ್ಲಿ, ಅವುಗಳನ್ನು ಸುರಕ್ಷಿತವಾಗಿ ಇರಿಸಿಕೊಳ್ಳುವಲ್ಲಿ ನೆರವಾಗುತ್ತವೆ. ಇದು ಆಹಾರ, ಔಷಧ, ದಿನಸಿ ಮತ್ತು ಇತರ ವಸ್ತುಗಳ ಪಾರ್ಸೆಲ್‌ ಉದ್ಯಮದಲ್ಲಿ ದೊಡ್ಡ ಪರಿವರ್ತನೆ ತರಲಿದೆ ಎಂಬ ನಿರೀಕ್ಷೆ ಇದೆ.

ಡ್ರೋನ್‌ಡೆಕ್‌ ಜೊತೆಗಿನ ಒಪ್ಪಂದದ ವಿಚಾರವಾಗಿ ಸಂತಸ ಹಂಚಿಕೊಂಡಿರುವ ಬಿಇಎಲ್‌ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಆನಂದಿ ರಾಮಲಿಂಗಂ, ‘ತಾಂತ್ರಿಕವಾಗಿ ನಾವು ಯಾವಾಗಲೂ ಹೆಚ್ಚಿನ ಸಾಧನೆ ತೋರುತ್ತಿದ್ದೇವೆ. ನಾವು ಹೊಸತನಗಳ ಕಂಪನಿಯಾಗಲು ಯಾವಾಗಲೂ ಬಯಸುತ್ತೇವೆ’ ಎಂದು ಹೇಳಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.