ಶನಿವಾರ, ಡಿಸೆಂಬರ್ 5, 2020
23 °C

ಕೋವಿಡ್‌ನಿಂದ ದಕ್ಷಿಣ ಏಷ್ಯಾ ರಾಷ್ಟ್ರಗಳ ಮೇಲೆ ಆರ್ಥಿಕ ದುಷ್ಪರಿಣಾಮ

ಪಿಟಿಐ Updated:

ಅಕ್ಷರ ಗಾತ್ರ : | |

ವಾಷಿಂಗ್ಟನ್‌: ಕೋವಿಡ್‌ನಿಂದಾಗಿ ದಕ್ಷಿಣ ಏಷ್ಯಾ ರಾಷ್ಟ್ರಗಳ ಮೇಲೆ ಆರ್ಥಿಕ ದುಷ್ಪರಿಣಾಮ ಹೆಚ್ಚಾಗಿದೆ ಎಂಬುದು ಅಮೆರಿಕದ ಸಂಶೋಧನಾ ವರದಿಯೊಂದರಿಂದ ತಿಳಿದುಬಂದಿದೆ.

ಪಾಕಿಸ್ತಾನದ ಹುಸೇನ್‌ ಹಕ್ಕಾನಿ ಹಾಗೂ ಅಪರ್ಣ ಪಾಂಡೆ ಅವರು ಜಂಟಿಯಾಗಿ ಹೊರ ತಂದಿರುವ ‘ನೈನ್‌ ಮಂಥ್ಸ್‌ ಆಫ್‌ ಕೋವಿಡ್‌–19: ದಿ ಇಂಪ್ಯಾಕ್ಟ್‌ ಆನ್‌ ಸೌತ್‌ ಏಷ್ಯಾ’ ಹೆಸರಿನ 30 ಪುಟಗಳ ವರದಿಯನ್ನು ಹಡ್ಸನ್‌ ಇನ್‌ಸ್ಟಿಟ್ಯೂಟ್‌ ಥಿಂಕ್‌–ಟ್ಯಾಂಕ್‌ ಶುಕ್ರವಾರ ಪ್ರಕಟಿಸಿದೆ.

‘ಕೋವಿಡ್‌ ಕಾಲದಲ್ಲಿ ದಕ್ಷಿಣ ಏಷ್ಯಾ ರಾಷ್ಟ್ರಗಳು ಎದುರಿಸುತ್ತಿರುವ ಆರೋಗ್ಯ ಸವಾಲುಗಳಿಗಿಂತಲೂ ಈ ರಾಷ್ಟ್ರಗಳ ಮೇಲೆ ಉಂಟಾಗಿರುವ ಆರ್ಥಿಕ ದುಷ್ಪರಿಣಾಮ ಅಧಿಕವಾಗಿದೆ. ಈ ಸಾಂಕ್ರಾಮಿಕ ರೋಗವನ್ನು ಒಂದೊಂದು ರಾಷ್ಟ್ರವು ಒಂದೊಂದು ಬಗೆಯಲ್ಲಿ ಎದುರಿಸಿವೆ. ಈ ರಾಷ್ಟ್ರಗಳಲ್ಲಿ ವಾಸಿಸುವ ಜನರ ಪೈಕಿ ಬಹುತೇಕರು ಬಡತನ ರೇಖೆಗಿಂತ ಕೆಳಗಿದ್ದಾರೆ. ಈ ರಾಷ್ಟ್ರಗಳಲ್ಲಿ ಸರಿಯಾದ ಮೂಲ ಸೌಕರ್ಯಗಳೂ ಇಲ್ಲ’ ಎಂದು ಹುಸೇನ್‌ ಹೇಳಿದ್ದಾರೆ. 

‘ಪಾಕಿಸ್ತಾನವು ಅಚ್ಚರಿಯ ರೀತಿಯಲ್ಲಿ ಕೊರೊನಾ ಸೋಂಕನ್ನು ನಿಯಂತ್ರಿಸಿತ್ತು. ಈ ದೇಶದಲ್ಲಿ ಮತ್ತೆ ಸೋಂಕು ಹರಡುವ ಅಪಾಯವಿದೆ. ಕೊರೊನಾದಿಂದಾಗಿ ಶ್ರೀಲಂಕಾದಲ್ಲಿ ಸಾಲದ ಬಿಕ್ಕಟ್ಟು ಉಲ್ಬಣಿಸಿದೆ.  ಬಾಂಗ್ಲಾದೇಶ ಕೂಡ ಆರ್ಥಿಕ ಸಂಕಷ್ಟ ಎದುರಿಸುತ್ತಿದೆ’ ಎಂದೂ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.  

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು