‘ರಫ್ತು ವಹಿವಾಟಿಗೆ ಸಂಬಂಧಿಸಿದಂತೆ ಈ ವರ್ಷದ ಭಾರತದ ಸಾಧನೆ ಉತ್ತಮವಾಗಿರಲಿದೆ. 2013–14ರಲ್ಲಿನ ₹ 21.98 ಲಕ್ಷ ಕೋಟಿಯ ದಾಖಲೆಯನ್ನೂ ಈ ವರ್ಷದ ವಹಿವಾಟು ಮೀರಲಿದೆ. 2008–09ರಲ್ಲಿ ಕಂಡು ಬಂದಿದ್ದ ಜಾಗತಿಕ ಹಣಕಾಸು ಬಿಕ್ಕಟ್ಟಿನ ನಂತರ ದೇಶಿ ರಫ್ತು ವಹಿವಾಟು ಹಲವಾರು ಸವಾಲುಗಳನ್ನು ಎದುರಿಸುತ್ತ ಬಂದಿದೆ. ಅವುಗಳಲ್ಲಿ ವಿವಿಧ ದೇಶಗಳು ಏಕಪಕ್ಷೀಯವಾಗಿ ಅಳವಡಿಸಿಕೊಂಡಿರುವ ಸ್ವಯಂ ರಕ್ಷಣಾ ಧೋರಣೆಯೂ ಸೇರಿದೆ. ಸರ್ಕಾರ ಕೈಗೊಂಡ ಉತ್ತೇಜನಾ ಕ್ರಮಗಳಿಂದ ಎಂಜಿನಿಯರಿಂಗ್ ವಲಯದ ರಫ್ತು ಗಮನಾರ್ಹವಾಗಿ ಏರಿಕೆಯಾಗಿದೆ.