ಗೋಏರ್‌ ರಿಯಾಯ್ತಿ ಕೊಡುಗೆ
ಅಕ್ಷರ ಗಾತ್ರ :ಆ |ಆ |ಆ
ಮುಂಬೈ: ದೇಶಿ ಅಗ್ಗದ ವಿಮಾನ ಯಾನ ಸಂಸ್ಥೆ ಗೋಏರ್‌, ದರ ಕಡಿತದ ಅತಿದೊಡ್ಡ ಕೊಡುಗೆ ಪ್ರಕಟಿಸಿದೆ.
₹ 899 ರಿಂದ ಆರಂಭವಾಗುವ ರಿಯಾಯ್ತಿ ದರದ ಈ ಕೊಡುಗೆಯಡಿ ಟಿಕೆಟ್‌ಗಳನ್ನು ಇದೇ 27ರಿಂದ ಮುಂಗಡ ಕಾದಿರಿಸಬಹುದು. ಮೂರು ದಿನಗಳವರೆಗೆ ಈ ಕೊಡುಗೆ ಜಾರಿಯಲ್ಲಿ ಇರಲಿದೆ. ಈ ವರ್ಷದ ಜೂನ್‌ 15ರಿಂದ ಡಿಸೆಂಬರ್‌ 31ರವರೆಗೆ ವಿವಿಧ ನಗರಗಳಿಗೆ ಪ್ರಯಾಣಿಸಲು ಟಿಕೆಟ್‌ ಕಾದಿರಿಸಬಹುದು. ಈ ಮಾರಾಟ ಕೊಡುಗೆಯಲ್ಲಿ ಪ್ರಯಾಣಿಕರು ತಮ್ಮ ಪ್ರಯಾಣ ದಿನ, ವೇಳೆಯನ್ನು ಆಯ್ಕೆ ಮಾಡುವ ಸ್ವಾತಂತ್ರ್ಯ ಹೊಂದಿದ್ದಾರೆ.
‘ವಿಮಾನ ಪ್ರಯಾಣ ದರ ದುಬಾರಿಯಾಗುತ್ತಿದೆ ಎನ್ನುವ ಆಕ್ಷೇಪ ಕೇಳಿ ಬರುತ್ತಿರುವಾಗಲೇ, ₹ 899 ರಿಂದ ಟಿಕೆಟ್‌ ದರ ಆರಂಭವಾಗುವ ಈ ವಿಶೇಷ ಕೊಡುಗೆ ಪ್ರಕಟಿಸಲಾಗುತ್ತಿದೆ’ ಎಂದು ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕ ಜೆಹ್‌ ವಾಡಿಯಾ ಹೇಳಿದ್ದಾರೆ.
ವಿಶೇಷ ಕಡಿತ: ಪೇಟಿಎಂ ವಾಲೆಟ್‌ ಮೂಲಕ ಕನಿಷ್ಠ ₹ 2,499 ಮೊತ್ತದ ಟಿಕೆಟ್‌ ಕಾದಿರಿಸಿದವರಿಗೆ ₹ 500ವರೆಗೆ ನಗದು ವಾಪಸ್‌, ಮಿಂತ್ರಾ ಆ್ಯಪ್ ಅಥವಾ ಅಂತರ್ಜಾಲ ತಾಣದ ಮೂಲಕ ಕನಿಷ್ಠ ₹ 1,999 ವೆಚ್ಚ ಮಾಡಿ ಟಿಕೆಟ್‌ ಕಾದಿರಿಸಿದವರಿಗೆ ಶೇ 10ರಷ್ಟು ಕಡಿತ ಸೌಲಭ್ಯವು ಇರಲಿದೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
