ನವದೆಹಲಿ: ವಸತಿ ಯೋಜನೆಗಳನ್ನು ಅಭಿವೃದ್ಧಿಪಡಿಸುವ ಸಲುವಾಗಿ ಬೆಂಗಳೂರಿನ ವೈಟ್ಫೀಲ್ಡ್ ಬಳಿ 18 ಎಕರೆ ಭೂಮಿ ಖರೀದಿಸಿರುವುದಾಗಿ ರಿಯಲ್ ಎಸ್ಟೇಟ್ ಕಂಪನಿ ಗೊದ್ರೇಜ್ ಪ್ರಾಪರ್ಟೀಸ್ ಮಂಗಳವಾರ ತಿಳಿಸಿದೆ.
ಕಂಪನಿಯು ಷೇರುಪೇಟೆಗೆ ಈ ಮಾಹಿತಿ ನೀಡಿದೆ. ಖರೀದಿ ಒಪ್ಪಂದದ ಮೌಲ್ಯವನ್ನು ಕಂಪನಿ ತಿಳಿಸಿಲ್ಲ. ಮಾರುಕಟ್ಟೆ ಮೂಲಗಳ ಪ್ರಕಾರ ವೈಟ್ಫೀಲ್ಡ್ ಪ್ರದೇಶದಲ್ಲಿ ಒಂದು ಎಕರೆಗೆ ₹ 13 ಕೋಟಿಯಿಂದ ₹ 15 ಕೋಟಿ ಬೆಲೆ ಇದೆ. ಹಾಗಾಗಿ, ಖರೀದಿ ಮಾಡಲಾದ ಜಮೀನಿನ ಒಟ್ಟು ಮೌಲ್ಯವು ಅಂದಾಜು ₹ 250 ಕೋಟಿ ಎನ್ನಲಾಗಿದೆ.
