ಚಿನ್ನ, ಬೆಳ್ಳಿ ದರ ಇಳಿಕೆ

ನವದೆಹಲಿ: ಇಲ್ಲಿನ ಚಿನಿವಾರ ಪೇಟೆಯಲ್ಲಿ ಗುರುವಾರ ಚಿನ್ನ, ಬೆಳ್ಳಿ ಧಾರಣೆ ಇಳಿಕೆ ಕಂಡಿದೆ.

10 ಗ್ರಾಂ ಚಿನ್ನದ ದರ ₹ 488ರಂತೆ ಇಳಿಕೆಯಾಗಿ ₹ 49,135ಕ್ಕೆ ತಲುಪಿದೆ. ಬುಧವಾರ ₹ 49,623 ಇತ್ತು. ಬೆಳ್ಳಿ ಬೆಲೆಯೂ ಕೆ.ಜಿಗೆ ₹ 1,168ರಂತೆ ಕಡಿಮೆಯಾಗಿ ₹ 50,326ಕ್ಕೆ ತಲುಪಿದೆ. ಬುಧವಾರ ₹ 51,494 ಇತ್ತು.

ಕರೆನ್ಸಿ ವಿನಿಮಯ ಮಾರುಕಟ್ಟೆಯಲ್ಲಿ ಡಾಲರ್ ಎದುರು ರೂಪಾಯಿ ಮೌಲ್ಯ ವೃದ್ಧಿಯಾಗಿರುವುದರಿಂದ ಚಿನ್ನದ ಬೆಲೆ ಇಳಿಕೆಯಾಗಿದೆ ಎಂದು ಎಚ್‌ಡಿಎಫ್‌ಸಿ ಸೆಕ್ಯುರಿಟೀಸ್‌ ಹೇಳಿದೆ.

ರೂಪಾಯಿ ಬೆಲೆ: ರೂಪಾಯಿ ಬೆಲೆಯು 56 ಪೈಸೆಗಳಷ್ಟು ಏರಿಕೆ ದಾಖಲಿಸಿ ಮೂರು ತಿಂಗಳ ಹಿಂದಿನ ಗರಿಷ್ಠ ಮಟ್ಟಕ್ಕೆ (₹ 75.04) ಏರಿಕೆಯಾಗಿದೆ.