ನವದೆಹಲಿ: ಎಚ್ಸಿಎಲ್ ಟೆಕ್ನಾಲಜೀಸ್ ಜೂನ್ ತ್ರೈಮಾಸಿಕದಲ್ಲಿ ₹3,534 ಕೋಟಿ ನಿವ್ವಳ ಲಾಭ ಗಳಿಸಿದೆ.
ಹಿಂದಿನ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ಕಂಪನಿಯು ₹3,324 ಕೋಟಿ ಲಾಭ ಗಳಿಸಿತ್ತು. ಇದಕ್ಕೆ ಹೋಲಿಸಿದರೆ ಈ ಬಾರಿ ಲಾಭವು ಶೇ 7ರಷ್ಟು ಹೆಚ್ಚಾಗಿದೆ.
ಐ.ಟಿ. ಸೇವೆಗಳಿಗೆ ಸಂಬಂಧಿಸಿದಂತೆ 7 ಮತ್ತು ಸಾಫ್ಟ್ವೇರ್ಗೆ ಸಂಬಂಧಿಸಿದಂತೆ 11 ದೊಡ್ಡ ಮೊತ್ತದ ಒಪ್ಪಂದಗಳು ತ್ರೈಮಾಸಿಕದಲ್ಲಿ ಆಗಿರುವುದೇ ಲಾಭದಲ್ಲಿ ಹೆಚ್ಚಳಕ್ಕೆ ಕಾರಣ ಎಂದು ಕಂಪನಿ ತಿಳಿಸಿದೆ.
ಕಂಪನಿಯ ವರಮಾನವು ಶೇ 12.1ರಷ್ಟು ಹೆಚ್ಚಾಗಿದ್ದು ₹26,296 ಕೋಟಿಗೆ ತಲುಪಿದೆ.