ಹುಬ್ಬಳ್ಳಿ: ಸ್ಟಾರ್ ಏರ್ ಸಂಸ್ಥೆಯು ಹುಬ್ಬಳ್ಳಿ–ಹಿಂಡನ್ (ದೆಹಲಿ ಹೊರವಲಯ ಸ್ಥಳ) ಮಾರ್ಗದ ವಿಮಾನ ಹಾರಾಟವನ್ನು ವಾರದಲ್ಲಿ ಐದು ದಿನಕ್ಕೆ ವಿಸ್ತರಿಸಿದೆ.
ನವೆಂಬರ್ 6 ರಿಂದ ವಾರದಲ್ಲಿ ಮೂರು ದಿನ ಸಂಚರಿಸುತ್ತಿತ್ತು. ಫೆಬ್ರುವರಿ 29 ರಿಂದ ಐದು ದಿನ ಸಂಚರಿಸಲಿದೆ.
ಭಾನುವಾರ ಮಧ್ಯಾಹ್ನ 12.50, ಮಂಗಳವಾರ ಬೆಳಿಗ್ಗೆ 10, ಬುಧವಾರ ಮಧ್ಯಾಹ್ನ 1.05, ಗುರುವಾರ ಹಾಗೂ ಶುಕ್ರವಾರ ಬೆಳಿಗ್ಗೆ 11.50ಕ್ಕೆ ಹುಬ್ಬಳ್ಳಿಯಿಂದ ಹೊರಡಲಿದೆ ಎಂದು ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ ತಿಳಿಸಿದ್ದಾರೆ.