ಮುಂಬೈ: ಐಸಿಐಸಿಐ ಬ್ಯಾಂಕ್‌ನ ನಿವ್ವಳ ಲಾಭ ಅಕ್ಟೋಬರ್‌–ಡಿಸೆಂಬರ್ ತ್ರೈಮಾಸಿಕದಲ್ಲಿ ಶೇ 17.73ರಷ್ಟು ಹೆಚ್ಚಾಗಿದ್ದು ₹ 5,498 ಕೋಟಿಗಳಿಗೆ ತಲುಪಿದೆ.
ಹಿಂದಿನ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ₹ 4,670 ಕೋಟಿ ನಿವ್ವಳ ಲಾಭ ಗಳಸಿತ್ತು.
ಒಟ್ಟಾರೆ ವರಮಾನ ₹ 23,638 ಕೋಟಿಗಳಿಂದ ₹ 24,416 ಕೋಟಿಗಳಿಗೆ ಏರಿಕೆಯಾಗಿದೆ. ಒಟ್ಟಾರೆ ವೆಚ್ಚವು ₹ 17,089 ಕೋಟಿಗಳಿಂದ ₹ 15,596 ಕೋಟಿಗಳಿಗೆ ಇಳಿಕೆ ಕಂಡಿದೆ.
ಭವಿಷ್ಯದಲ್ಲಿ ಎದುರಾಗಬಹುದಾದ ಆರ್ಥಿಕ ನಷ್ಟ ಭರಿಸಲು ತೆಗೆದಿರಿಸುವ ಮೊತ್ತವು ₹ 2,741 ಕೋಟಿಗಳಷ್ಟಾಗಿದೆ. ಹಿಂದಿನ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ₹ 2,083 ಕೋಟಿಗಳಷ್ಟಿತ್ತು ಎಂದು ಷೇರುಪೇಟೆಗೆ ಮಾಹಿತಿ ನೀಡಿದೆ.
ಬಂಡವಾಳ ಲಭ್ಯತೆ ಪ್ರಮಾಣವು ಡಿಸೆಂಬರ್ 31ರ ಅಂತ್ಯಕ್ಕೆ ಶೇ 18.04ರಷ್ಟಿದೆ ಎಂದು ತಿಳಿಸಿದೆ.
