ಭಾರತದ ಬೆಳವಣಿಗೆ ಅಂದಾಜು ತಗ್ಗಿಸಿದ ಐಎಂಎಫ್‌

2021–22ನೆಯ ಹಣಕಾಸು ವರ್ಷದಲ್ಲಿ ದೇಶದ ಜಿಡಿಪಿ ಶೇ 8.7ರಷ್ಟು ಬೆಳವಣಿಗೆ ಕಂಡಿದೆ. ಐಎಂಎಫ್ ತನ್ನ ವಾರ್ಷಿಕ ಜಾಗತಿಕ ಆರ್ಥಿಕ ಮುನ್ನೋಟ ವರದಿಯನ್ನು ಮಂಗಳವಾರ ಬಿಡುಗಡೆ ಮಾಡಿದೆ.

ಜಾಗತಿಕ ಆರ್ಥಿಕ ಬೆಳವಣಿಗೆ ದರವು 2022ರಲ್ಲಿ ಶೇ 3.2ಕ್ಕೆ ಇಳಿಕೆಯಾಗಲಿದೆ. 2023ರಲ್ಲಿ ಇದು ಶೇ 2.7ಕ್ಕೆ ತಲುಪಲಿದೆ. ಪ್ರಸಕ್ತ ವರ್ಷದ ಮೊದಲಾರ್ಧದಲ್ಲಿ ಅಮೆರಿಕದಲ್ಲಿ ಕುಸಿತ ದಾಖಲಾಗಲಿದೆ, ದ್ವಿತೀಯಾರ್ಧದಲ್ಲಿ ಯೂರೊ ವಲಯದಲ್ಲಿ ಕುಸಿತ ಕಂಡುಬರಲಿದೆ ಎಂದು ವರದಿ ಹೇಳಿದೆ.

‘ಅತಿಕೆಟ್ಟ ದಿನಗಳು ಇನ್ನಷ್ಟೇ ಬರಬೇಕಿದೆ. ಹಲವರ ಪಾಲಿಗೆ 2023ನೆಯ ಇಸವಿಯು ಆರ್ಥಿಕ ಹಿಂಜರಿತದ ಅನುಭವ ನೀಡಲಿದೆ’ ಎಂದು ವರದಿಯು ಹೇಳಿದೆ. 2023ರಲ್ಲಿ ಜಗತ್ತಿನ ಮೂರನೆಯ ಒಂದಕ್ಕಿಂತ ಹೆಚ್ಚಿನ ಅರ್ಥ ವ್ಯವಸ್ಥೆಗಳು ಆರ್ಥಿಕವಾಗಿ ಕುಸಿತ ಕಾಣಲಿವೆ. ವಿಶ್ವದ ಅತಿದೊಡ್ಡ ಅರ್ಥ ವ್ಯವಸ್ಥೆಗಳಾದ ಅಮೆರಿಕ, ಐರೋಪ್ಯ ಒಕ್ಕೂಟ ಮತ್ತು ಚೀನಾದ ಬೆಳವಣಿಗೆ ಸ್ಥಗಿತವಾಗಲಿದೆ ಎಂದು ಅದು ತಿಳಿಸಿದೆ.