<p><strong>ಮುಂಬೈ</strong>: ‘ಭಾರತ ಮತ್ತು ಯುರೋಪಿನ ಮುಕ್ತ ವಾಣಿಜ್ಯ ಒಕ್ಕೂಟದ (ಇಎಫ್ಟಿಎ) ಸದಸ್ಯ ರಾಷ್ಟ್ರಗಳ ನಡುವಿನ ಮುಕ್ತ ವ್ಯಾಪಾರ ಒಪ್ಪಂದವು ಅಕ್ಟೋಬರ್ 1ರಿಂದ ಜಾರಿಗೆ ಬರಲಿದೆ’ ಎಂದು ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವ ಪೀಯೂಷ್ ಗೋಯಲ್ ತಿಳಿಸಿದ್ದಾರೆ.</p>.<p>2024ರ ಮಾರ್ಚ್ 10ರಂದು ವ್ಯಾಪಾರ ಮತ್ತು ಆರ್ಥಿಕ ಪಾಲುದಾರಿಕೆ ಒಪ್ಪಂದಕ್ಕೆ (ಟಿಇಪಿಎ) ಸಹಿ ಹಾಕಲಾಗಿತ್ತು. ಈ ಒಕ್ಕೂಟವು ಐಸ್ಲ್ಯಾಂಡ್, ಲೀಚ್ಟೆನ್ಸ್ಟೀನ್, ನಾರ್ವೆ ಮತ್ತು ಸ್ವಿಟ್ಜರ್ಲೆಂಡ್ ಒಳಗೊಂಡಿದೆ. </p>.<p>ಈ ಒಪ್ಪಂದದ ಅಡಿ ಒಕ್ಕೂಟದ ರಾಷ್ಟ್ರಗಳು ಮುಂದಿನ 15 ವರ್ಷದಲ್ಲಿ ₹8.61 ಲಕ್ಷ ಕೋಟಿ (100 ಬಿಲಿಯನ್ ಡಾಲರ್) ಮೊತ್ತದ ಹೂಡಿಕೆಯನ್ನು ಭಾರತದಲ್ಲಿ ಮಾಡಲು ನಿರ್ಧರಿಸಿವೆ. ಜೊತೆಗೆ ಇದು 10 ಲಕ್ಷ ನೇರ ಉದ್ಯೋಗಗಳನ್ನು ಸೃಷ್ಟಿಸುವ ನಿರೀಕ್ಷೆ ಇದೆ ಎಂದು ಶನಿವಾರ ‘ಎಕ್ಸ್’ನಲ್ಲಿ ತಿಳಿಸಿದ್ದಾರೆ.</p>.<p class="title">ಒಪ್ಪಂದದಿಂದಾಗಿ ಸ್ವಿಸ್ ವಾಚುಗಳು, ಚಾಕೊಲೇಟ್, ಬಿಸ್ಕತ್ತುಗಳು, ಗಡಿಯಾರ ಸೇರಿದಂತೆ ಉನ್ನತ ಗುಣಮಟ್ಟದ ವಸ್ತುಗಳು ಕಡಿಮೆ ಅಥವಾ ಶೂನ್ಯ ಸುಂಕದಲ್ಲಿ ದೇಶಿ ಗ್ರಾಹಕರಿಗೆ ದೊರೆಯಲಿವೆ. ಅಲ್ಲದೆ, ಕತ್ತರಿಸಿದ ಮತ್ತು ಪಾಲಿಶ್ ಮಾಡಿದ ವಜ್ರಗಳು ಸಹ ದೊರೆಯಲಿದೆ ಎಂದು ಹೇಳಿದ್ದಾರೆ.</p>.<p class="title">ದೇಶದ ಸೇವಾ ವಲಯಕ್ಕೂ ಈ ಒಪ್ಪಂದವು ಉತ್ತೇಜನ ನೀಡಲಿದೆ ಎಂದು ತಿಳಿಸಿದ್ದಾರೆ.</p>.<p class="title">2024–25ರ ಆರ್ಥಿಕ ವರ್ಷದಲ್ಲಿ ಭಾರತ ಮತ್ತು ಇಎಫ್ಟಿಎನ ದ್ವಿಪಕ್ಷೀಯ ವ್ಯಾಪಾರ ಮೌಲ್ಯವು ₹2.10 ಲಕ್ಷ ಕೋಟಿಯಾಗಿತ್ತು. ಈ ಒಕ್ಕೂಟದ ದೇಶಗಳ ಪೈಕಿ ಸ್ವಿಟ್ಜರ್ಲೆಂಡ್ ಭಾರತದ ಅತಿದೊಡ್ಡ ವ್ಯಾಪಾರ ಪಾಲುದಾರ ರಾಷ್ಟ್ರವಾಗಿದೆ. ಉಳಿದ ದೇಶಗಳ ಜೊತೆಗೆ ಕಡಿಮೆ ವ್ಯಾಪಾರ ಹೊಂದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ</strong>: ‘ಭಾರತ ಮತ್ತು ಯುರೋಪಿನ ಮುಕ್ತ ವಾಣಿಜ್ಯ ಒಕ್ಕೂಟದ (ಇಎಫ್ಟಿಎ) ಸದಸ್ಯ ರಾಷ್ಟ್ರಗಳ ನಡುವಿನ ಮುಕ್ತ ವ್ಯಾಪಾರ ಒಪ್ಪಂದವು ಅಕ್ಟೋಬರ್ 1ರಿಂದ ಜಾರಿಗೆ ಬರಲಿದೆ’ ಎಂದು ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವ ಪೀಯೂಷ್ ಗೋಯಲ್ ತಿಳಿಸಿದ್ದಾರೆ.</p>.<p>2024ರ ಮಾರ್ಚ್ 10ರಂದು ವ್ಯಾಪಾರ ಮತ್ತು ಆರ್ಥಿಕ ಪಾಲುದಾರಿಕೆ ಒಪ್ಪಂದಕ್ಕೆ (ಟಿಇಪಿಎ) ಸಹಿ ಹಾಕಲಾಗಿತ್ತು. ಈ ಒಕ್ಕೂಟವು ಐಸ್ಲ್ಯಾಂಡ್, ಲೀಚ್ಟೆನ್ಸ್ಟೀನ್, ನಾರ್ವೆ ಮತ್ತು ಸ್ವಿಟ್ಜರ್ಲೆಂಡ್ ಒಳಗೊಂಡಿದೆ. </p>.<p>ಈ ಒಪ್ಪಂದದ ಅಡಿ ಒಕ್ಕೂಟದ ರಾಷ್ಟ್ರಗಳು ಮುಂದಿನ 15 ವರ್ಷದಲ್ಲಿ ₹8.61 ಲಕ್ಷ ಕೋಟಿ (100 ಬಿಲಿಯನ್ ಡಾಲರ್) ಮೊತ್ತದ ಹೂಡಿಕೆಯನ್ನು ಭಾರತದಲ್ಲಿ ಮಾಡಲು ನಿರ್ಧರಿಸಿವೆ. ಜೊತೆಗೆ ಇದು 10 ಲಕ್ಷ ನೇರ ಉದ್ಯೋಗಗಳನ್ನು ಸೃಷ್ಟಿಸುವ ನಿರೀಕ್ಷೆ ಇದೆ ಎಂದು ಶನಿವಾರ ‘ಎಕ್ಸ್’ನಲ್ಲಿ ತಿಳಿಸಿದ್ದಾರೆ.</p>.<p class="title">ಒಪ್ಪಂದದಿಂದಾಗಿ ಸ್ವಿಸ್ ವಾಚುಗಳು, ಚಾಕೊಲೇಟ್, ಬಿಸ್ಕತ್ತುಗಳು, ಗಡಿಯಾರ ಸೇರಿದಂತೆ ಉನ್ನತ ಗುಣಮಟ್ಟದ ವಸ್ತುಗಳು ಕಡಿಮೆ ಅಥವಾ ಶೂನ್ಯ ಸುಂಕದಲ್ಲಿ ದೇಶಿ ಗ್ರಾಹಕರಿಗೆ ದೊರೆಯಲಿವೆ. ಅಲ್ಲದೆ, ಕತ್ತರಿಸಿದ ಮತ್ತು ಪಾಲಿಶ್ ಮಾಡಿದ ವಜ್ರಗಳು ಸಹ ದೊರೆಯಲಿದೆ ಎಂದು ಹೇಳಿದ್ದಾರೆ.</p>.<p class="title">ದೇಶದ ಸೇವಾ ವಲಯಕ್ಕೂ ಈ ಒಪ್ಪಂದವು ಉತ್ತೇಜನ ನೀಡಲಿದೆ ಎಂದು ತಿಳಿಸಿದ್ದಾರೆ.</p>.<p class="title">2024–25ರ ಆರ್ಥಿಕ ವರ್ಷದಲ್ಲಿ ಭಾರತ ಮತ್ತು ಇಎಫ್ಟಿಎನ ದ್ವಿಪಕ್ಷೀಯ ವ್ಯಾಪಾರ ಮೌಲ್ಯವು ₹2.10 ಲಕ್ಷ ಕೋಟಿಯಾಗಿತ್ತು. ಈ ಒಕ್ಕೂಟದ ದೇಶಗಳ ಪೈಕಿ ಸ್ವಿಟ್ಜರ್ಲೆಂಡ್ ಭಾರತದ ಅತಿದೊಡ್ಡ ವ್ಯಾಪಾರ ಪಾಲುದಾರ ರಾಷ್ಟ್ರವಾಗಿದೆ. ಉಳಿದ ದೇಶಗಳ ಜೊತೆಗೆ ಕಡಿಮೆ ವ್ಯಾಪಾರ ಹೊಂದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
