ಕೇಂದ್ರ ಸರ್ಕಾರ ಹಮ್ಮಿಕೊಂಡಿರುವ ವಿವಿಧ ಆರ್ಥಿಕ ಸುಧಾರಣಾ ಕ್ರಮಗಳನ್ನು ವಿಶ್ವಬ್ಯಾಂಕ್ ವರದಿಯಲ್ಲಿ ಶ್ಲಾಘಿಸಲಾಗಿದೆ. ಕಳೆದ 20 ವರ್ಷಗಳಲ್ಲಿ ಕೆಲವೇ ಕೆಲ ದೇಶಗಳು ಸಾಧಿಸಿದ ಯಶಸ್ಸನ್ನು ಭಾರತವೂ ಸಾಧ್ಯಮಾಡಿ ತೋರಿಸಿದೆ. ಅಪಾರ ಜನಸಂಖ್ಯೆ, ವಿಶಾಲ ಭೂ ಪ್ರದೇಶ ಹೊಂದಿರುವ ಭಾರತದಂತಹ ದೇಶವು ಇಂತಹ ಸಾಧನೆ ಮಾಡಿರುವುದು ಕಳೆದ 20 ವರ್ಷಗಳಲ್ಲಿಯೇ ಇದೇ ಮೊದಲು ಎಂದು ವಿಶ್ವಬ್ಯಾಂಕ್ ಶ್ಲಾಘಿಸಿದೆ. 'ಭಾರತದಲ್ಲಿಯೇ ತಯಾರಿಸಿ'ಆಂದೋಲನವು ವಿದೇಶಿ ಬಂಡವಾಳವನ್ನು ಆಕರ್ಷಿಸಿದೆ. ಇದು ಖಾಸಗಿ ವಲಯ ಅದರಲ್ಲೂ ತಯಾರಿಕಾ ಕ್ಷೇತ್ರದಲ್ಲಿ ಭಾರತದ ಸ್ಪರ್ಧಾತ್ಮಕತೆ ಹೆಚ್ಚಿಸಿದೆ’ ಎಂದು ವಿಶ್ವಬ್ಯಾಂಕ್ ಬಣ್ಣಿಸಿದೆ.