ಕೈಗಾರಿಕಾ ಉತ್ಪಾದನೆ ಶೇ 5.2

ಕೈಗಾರಿಕಾ ಉತ್ಪಾದನೆ ಸೂಚ್ಯಂಕದ (ಐಐಪಿ) ಆಧಾರದ ಮೇಲೆ ಲೆಕ್ಕ ಹಾಕುವ ವಲಯದ ಬೆಳವಣಿಗೆಯು 2022ರ ಜನವರಿಯಲ್ಲಿ ಶೇ 2ರಷ್ಟು ಇತ್ತು. ಇದಕ್ಕೆ ಹೋಲಿಸಿದರೆ ಶೇ 3.2ರಷ್ಟು ಹೆಚ್ಚಾಗಿದೆ.

ರಾಷ್ಟ್ರೀಯ ಸಾಂಖ್ಯಿಕ ಕಚೇರಿ (ಎನ್‌ಎಸ್‌ಒ) ಬಿಡುಗಡೆ ಮಾಡಿರುವ ಮಾಹಿತಿಯ ಪ್ರಕಾರ, ತಯಾರಿಕಾ ವಲಯದ ಬೆಳವಣಿಗೆಯು 2022ರ ಜನವರಿಯಲ್ಲಿ ಶೇ 1.9ರಷ್ಟು ಇದ್ದಿದ್ದು ಈ ವರ್ಷದ ಜನವರಿಯಲ್ಲಿ ಶೇ 3.7ಕ್ಕೆ ಏರಿಕೆ ಆಗಿದೆ. ಗಣಿ ವಲಯದ ಬೆಳವಣಿಗೆ ಶೇ 3ರಿಂದ ಶೇ 8.8ಕ್ಕೆ ಮತ್ತು ವಿದ್ಯುತ್ ವಲಯದ ಬೆಳವಣಿಗೆ ಶೇ 0.9ರಿಂದ ಶೇ 12.7ರಷ್ಟು ಏರಿಕೆಯಾಗಿದೆ.

ಹಣಕಾಸು ವರ್ಷದ ಏಪ್ರಿಲ್‌–ಜನವರಿ ಅವಧಿಯಲ್ಲಿ ಐಐಪಿ ಶೇ 5.4ರಷ್ಟು ಆಗಿದೆ. ಹಿಂದಿನ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ಶೇ 13.7ರಷ್ಟು ಇತ್ತು.