ನವದೆಹಲಿ: ಆದಾಯ ತೆರಿಗೆ ಇಲಾಖೆಯಿಂದ ₹6,329 ಕೋಟಿಯಷ್ಟು ತೆರಿಗೆ ಮರುಪಾವತಿಯನ್ನು (ರೀಫಂಡ್) ನಿರೀಕ್ಷಿಸಲಾಗುತ್ತಿದೆ ಎಂದು ದೇಶದ ಎರಡನೇ ಅತಿದೊಡ್ಡ ಐ.ಟಿ ಸೇವಾ ಕಂಪನಿಯಾದ ಇನ್ಫೊಸಿಸ್ ತಿಳಿಸಿದೆ.
2007–08ರಿಂದ 2015–16, 2017–18 ಹಾಗೂ 2018–19ನೇ ಮೌಲ್ಯಮಾಪನ ವರ್ಷಕ್ಕೆ ಸಂಬಂಧಿಸಿದಂತೆ ಆದಾಯ ತೆರಿಗೆ ಇಲಾಖೆಯಿಂದ ಮರುಪಾವತಿಯ ಆದೇಶ ಸ್ವೀಕರಿಸಲಾಗಿದೆ ಎಂದು ಷೇರುಪೇಟೆಗೆ ಮಾಹಿತಿ ನೀಡಿದೆ.
ತೆರಿಗೆ ಪಾವತಿ ಎಷ್ಟು?: 2022–23ನೇ ಮೌಲ್ಯಮಾಪನ ವರ್ಷಕ್ಕೆ ಸಂಬಂಧಿಸಿದಂತೆ ಒಟ್ಟು ₹2,763 ಕೋಟಿ, 2011–12ನೇ ಆರ್ಥಿಕ ವರ್ಷದಲ್ಲಿ ₹4 ಕೋಟಿ ತೆರಿಗೆ ಪಾವತಿಗೆ (ಬಡ್ಡಿ ಸೇರಿದಂತೆ) ಆದೇಶ ಸ್ವೀಕರಿಸಲಾಗಿದೆ. ಕಂಪನಿಯ ಅಂಗಸಂಸ್ಥೆಗಳು ₹277 ಕೋಟಿ ತೆರಿಗೆ ಬಾಧ್ಯತೆಯನ್ನು ಹೊಂದಿವೆ ಎಂದು ವಿವರಿಸಿದೆ.