ಐಒಸಿ: ಚಿತ್ರದುರ್ಗದಲ್ಲಿ ಟರ್ಮಿನಲ್‌ಸ್ಥಾಪನೆಗೆ ₹500 ಕೋಟಿ ಹೂಡಿಕೆ

ಬೆಂಗಳೂರು: ಇಂಡಿಯನ್ ಆಯಿಲ್ ಕಾರ್ಪೊರೇಷನ್ (ಐಒಸಿ) ಚಿತ್ರದುರ್ಗದಲ್ಲಿ ₹500 ಕೋಟಿ ಬಂಡವಾಳ ಹೂಡಿಕೆ ಮಾಡಲು ಮುಂದಾಗಿದೆ.

120 ಎಕರೆ ಪ್ರದೇಶದಲ್ಲಿ ಸಾಮಾನ್ಯ ಬಳಕೆ ಸೌಲಭ್ಯದಡಿ (ಸಿಯುಎಫ್) ಪೆಟ್ರೋಲಿಯಂ ಉತ್ಪನ್ನಗಳನ್ನು ಸ್ವೀಕರಿಸುವ, ದಾಸ್ತಾನು ಮಾಡುವ ಮತ್ತು ವಿತರಿಸುವ ಟರ್ಮಿನಲ್ (ಪಿಒಎಲ್) ಸ್ಥಾಪಿಸಲಿದೆ.

ಹುಬ್ಬಳ್ಳಿಯಲ್ಲಿ ನಡೆದ ‘ಇನ್ವೆಸ್ಟ್ ಕರ್ನಾಟಕ’ ಸಮಾವೇಶದಲ್ಲಿ ‘ಐಒಸಿ’ಯ ಕರ್ನಾಟಕದ ಮುಖ್ಯಸ್ಥ ಡಿ.ಎಲ್. ಪ್ರಮೋದ್ ಮತ್ತು ರಾಜ್ಯ ವಾಣಿಜ್ಯ ಮತ್ತು ಕೈಗಾರಿಕೆ ಇಲಾಖೆಯ ಪ್ರಧಾನ ಕಾರ್ಯದರ್ಶಿ ಗೌರವ್ ಗುಪ್ತಾ ಅವರು ಒಪ್ಪಂದಕ್ಕೆ ಸಹಿ ಹಾಕಿದರು.