ಜೆಟ್‌ ಏರ್‌ವೇಸ್‌ನಲ್ಲಿ ₹ 1,375 ಕೋಟಿ ಹೂಡಿಕೆ ಮಾಡಲಿರುವ ಜಲನ್ ಕಲ್‌ರಾಕ್‌
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ಆರ್ಥಿಕವಾಗಿ ದಿವಾಳಿ ಆಗಿರುವ ಜೆಟ್‌ ಏರ್‌ವೇಸ್‌ ಕಂಪನಿಯ ಪುನಶ್ಚೇತನಕ್ಕೆ ಜಲನ್ ಕಲ್‌ರಾಕ್‌ ಒಕ್ಕೂಟವು ಒಟ್ಟಾರೆ ₹ 1,375 ಕೋಟಿ ಹೂಡಿಕೆ ಮಾಡಲಿದೆ.
ಒಟ್ಟಾರೆ ಮೊತ್ತದಲ್ಲಿ ಸಾಲದಾತರಿಗೆ ಮತ್ತು ಷೇರುದಾರರಿಗೆ ಪಾವತಿಸಲಿರುವ ₹ 475 ಕೋಟಿ ಮೊತ್ತವೂ ಒಳಗೊಂಡಿದೆ. ಕಂಪನಿಯ ಸುಗಮ ಕಾರ್ಯಾಚರಣೆಗಾಗಿ ಬಂಡವಾಳ ವೆಚ್ಚ ಮತ್ತು ದುಡಿಯುವ ಬಂಡವಾಳದ ಅಗತ್ಯಕ್ಕಾಗಿ ₹ 900 ಕೋಟಿ ಹೂಡಿಕೆ ಆಗಲಿದೆ ಎಂದು ರಾಷ್ಟ್ರೀಯ ಕಂಪನಿ ಕಾನೂನು ನ್ಯಾಯಮಂಡಳಿ (ಎನ್‌ಸಿಎಲ್‌ಟಿ) ಆದೇಶದಲ್ಲಿ ವಿವರಿಸಲಾಗಿದೆ.
ಕಾರ್ಪೊರೇಟ್‌ ಇನ್‌ಸಾಲ್ವೆನ್ಸಿ ರೆಸಲ್ಯೂಷನ್‌ ಪ್ರೋಸೆಸ್‌ (ಸಿಐಆರ್‌ಪಿ) ವೆಚ್ಚ ₹ 475 ಕೋಟಿ ಮೊತ್ತವನ್ನೂ ಇದು ಒಳಗೊಂಡಿದೆ.
ಅಲ್ಲದೆ, ಕಂಪನಿಯ ಷೇರುಗಳಲ್ಲಿ ಒಕ್ಕೂಟವು ಗರಿಷ್ಠ ₹ 600 ಕೋಟಿಗಳಷ್ಟು ಹೂಡಿಕೆ ಮಾಡಲಿದೆ. ಜೆಟ್‌ ಏರ್‌ವೇಸ್‌ ಪುನಶ್ಚೇತನಕ್ಕೆ ಜಲನ್ ಕಲ್‌ರಾಕ್‌ ಒಕ್ಕೂಟ ಸಲ್ಲಿಸಿದ್ದ ಪ್ರಸ್ತಾವಕ್ಕೆ ಎನ್‌ಸಿಎಲ್‌ಟಿ ಜೂನ್‌ 22ರಂದು ಒಪ್ಪಿಗೆ ನೀಡಿತ್ತು.
ಭಾರಿ ಕಡಿತ: ಕಂಪನಿಯಿಂದ ₹ 7,807 ಕೋಟಿ ವಸೂಲಿ ಮಾಡಲು ಎಸ್‌ಬಿಐ ನೇತೃತ್ವದಲ್ಲಿ ಸಾಲದಾತರು ಎನ್‌ಸಿಎಲ್‌ಟಿ ಅಡಿ ದಿವಾಳಿ ಪ್ರಕ್ರಿಯೆಗೆ ಚಾಲನೆ ನೀಡಿದ್ದವು. ಆದರೆ, ಪುನಶ್ಚೇತನ ಯೋಜನೆಯಡಿ ಸಾಲದಾತರಿಗೆ ₹ 380 ಕೋಟಿ ಮಾತ್ರ ಸಿಗಲಿದೆ. ಅಂದರೆ ವಸೂಲಿ ಮಾಡಲು ಉದ್ದೇಶಿಸಿದ ಮೊತ್ತದಲ್ಲಿ ಶೇ 95ರಷ್ಟು ಕಡಿತ ಆದಂತಾಗಿದೆ.
ಇದನ್ನೂ ಓದಿ... ಚಿನ್ನದ ದರ ₹526 ಹೆಚ್ಚಳ; ಬೆಳ್ಳಿ ಧಾರಣೆಯೂ ಏರಿಕೆ
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
