ಗುರುವಾರ , ಅಕ್ಟೋಬರ್ 22, 2020
22 °C

ಟೆಡ್ ಹವಾಮಾನ ಬದಲಾವಣೆ ಕೌಂಟ್‌ಡೌನ್‌ಗೆ ಜಿಯೋ ಸಹಯೋಗ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಜಾಗತಿಕ ಹವಾಮಾನ ಬಿಕ್ಕಟ್ಟಿಗೆ ಪರಿಹಾರವನ್ನು ಕಂಡುಕೊಳ್ಳುವ ಸಲುವಾಗಿ ರಿಲಯನ್ಸ್‌ ಸಮೂಹದ ಜಿಯೋ ಸಹಯೋಗದಲ್ಲಿ ಟೆಡ್ ಕ್ಲೈಮೇಟ್ ಕೌಂಟ್‌ಡೌನ್ ಕಾರ್ಯಕ್ರಮ ಶನಿವಾರ ಬಿತ್ತರವಾಗಲಿದೆ. 

ಹಸಿರುಮನೆ ಪರಿಣಾಮದಿಂದಾಗಿ ಭೂಮಿ ಬಿಸಿಯಾಗುತ್ತಿದ್ದು ಸಾಗರಗಳು ಆಮ್ಲೀಕರಣಗೊಳ್ಳುತ್ತಿರುವುದರಿಂದ ಹವಾಮಾನದಲ್ಲಿ ಏರುಪೇರಾಗುತ್ತಿದೆ. ಈ ಬಿಕ್ಕಟ್ಟಿಗೆ ಪರಿಹಾರ ಕಂಡುಕೊಳ್ಳಲು ಟೆಡ್ ಕ್ಲೈಮೇಟ್ ಕೌಂಟ್‌ಡೌನ್ ವೇದಿಕೆಯಲ್ಲಿ ಚರ್ಚೆಗಳು, ಚಿಂತನೆಗಳು ನಡೆಯಲಿವೆ. 

ಜಗತ್ತಿನ ಎಲ್ಲರಿಗೂ ಸುರಕ್ಷಿತ, ಸ್ವಚ್ಛ ಹಾಗೂ ಶೂನ್ಯ ಇಂಗಾಲದ ವಾತಾವರಣ ಸೃಷ್ಟಿಸುವುದು ಇದರ ಗುರಿಯಾಗಿದೆ. ಟೆಡ್ ಸಹಯೋಗದ ಈ ಕಾರ್ಯಕ್ರಮದಲ್ಲಿ ಜಿಯೋ ವಿಜ್ಞಾನಿಗಳು,  ಉದ್ಯಮಿಗಳು, ನಗರ ಯೋಜಕರು, ರೈತರು, ಸಿಇಒಗಳು, ಹೂಡಿಕೆದಾರರು, ಕಲಾವಿದರು, ಸರ್ಕಾರಿ ಅಧಿಕಾರಿಗಳು ಸೇರಿದಂತೆ ನಾನಾ ವಲಯಗಳ ಸಂಪನ್ಮೂಲ ವ್ಯಕ್ತಿಗಳು ಭಾಗವಹಿಸುವರು.

ಶನಿವಾರ (ಅ.10) ರಾತ್ರಿ ಸಮಯ 8:30ರಿಂದ ಈ ಕಾರ್ಯಕ್ರಮದ ತಡೆರಹಿತವಾಗಿ (ಲೈವ್ ಸ್ಟ್ರೀಮಿಂಗ್) ಪ್ರಸಾರವಾಗಲಿದೆ. ಜಿಯೋ ಫೈಬರ್ ಬಳಕೆದಾರರು ಜಿಯೋ ಸೆಟ್ ಟಾಪ್ ಬಾಕ್ಸ್‌ನಲ್ಲಿ ಜಿಯೋ ಪೇಜಸ್ ಮೂಲಕ ವೀಕ್ಷಣೆ ಮಾಡಬಹುದು.

ವೆಬ್‌ಸೈಟ್: https://countdown.ted.com/

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು