ಭಾನುವಾರ, ನವೆಂಬರ್ 29, 2020
21 °C

ಜಿಯೊ: ₹ 399ಕ್ಕೆ ನೆಟ್‌ಫ್ಲಿಕ್ಸ್‌

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಮನರಂಜನೆ ಮತ್ತು ಹೆಚ್ಚಿನ ಡೇಟಾ ಸೌಲಭ್ಯ ನೀಡುವ ಕೆಲವು ಹೊಸ ಪೋಸ್ಟ್‌ಪೇಯ್ಡ್‌ ಯೋಜನೆಗಳನ್ನು ಜಿಯೊ ಮಂಗಳವಾರ ಘೋಷಿಸಿದೆ. ಆರಂಭಿಕ ಯೋಜನೆಯ ಮಾಸಿಕ ಚಂದಾ ಮೊತ್ತವು ₹ 399. ಅಮೆಜಾನ್ ಪ್ರೈಮ್, ನೆಟ್‌ಫ್ಲಿಕ್ಸ್ ಮತ್ತು ಡಿಸ್ನಿ+ಹಾಟ್‌ಸ್ಟಾರ್‌ ಒಟಿಟಿ ಚಂದಾದಾರಿಕೆ ಇದರ ಜೊತೆಯಲ್ಲೇ ಲಭ್ಯವಾಗಲಿದೆ.

₹ 399 ಯೋಜನೆಯ ಜೊತೆ 75 ಜಿ.ಬಿ. ಡೇಟಾ ಸಿಗುತ್ತದೆ. ತಿಂಗಳ ಅಂತ್ಯಕ್ಕೆ ಬಳಕೆಯಾಗದೆ ಉಳಿಯುವ ಡೇಟಾ, ಮುಂದಿನ ತಿಂಗಳಿಗೆ ವರ್ಗಾವಣೆ ಆಗುತ್ತದೆ. ಗರಿಷ್ಠ 200 ಜಿ.ಬಿ.ವರೆಗೆ ಹೀಗೆ ಡೇಟಾ ಸೇರ್ಪಡೆ ಆಗುತ್ತಲೇ ಇರುತ್ತದೆ. ಬೇರೆ ಮೊಬೈಲ್‌ ನೆಟ್‌ವರ್ಕ್‌ಗಳಲ್ಲಿ ಇರುವ ಪೋಸ್ಟ್‌ಪೇಯ್ಡ್‌ ಗ್ರಾಹಕರನ್ನು ತನ್ನತ್ತ ಸೆಳೆಯಲು ಜಿಯೊ ಈ ಕೊಡುಗೆಗಳನ್ನು ಜಾರಿಗೆ ತಂದಿದೆ ಎಂದು ಮೂಲಗಳು ಹೇಳಿವೆ. ಈ ಮೊದಲು ಜಿಯೊ ₹ 199ರ ಮಾಸಿಕ ಚಂದಾ ಮೊತ್ತದ ಒಂದು ಪೋಸ್ಟ್‌ಪೇಯ್ಡ್‌ ಕೊಡುಗೆಯನ್ನು ಮಾತ್ರ ಹೊಂದಿತ್ತು.

₹ 399ರ ಮಾಸಿಕ ಚಂದಾ ದರಕ್ಕೆ ನೆಟ್‌ಫ್ಲಿಕ್ಸ್‌ ಸಿಗುತ್ತಿರುವುದು ಪೋಸ್ಟ್‌ಪೇಯ್ಡ್‌ ಸೇವೆಗಳಲ್ಲಿ ಇದೇ ಮೊದಲು ಎಂದು ಮೂಲಗಳು ಹೇಳಿವೆ. ಎಲ್ಲಾ ಯೋಜನೆಗಳಲ್ಲೂ ಅನಿಯಮಿತ ಕರೆಗಳ ಸೌಲಭ್ಯ ಇದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು