ಆರಂಭಿಕ ಸಾರ್ವಜನಿಕ ಹೂಡಿಕೆ (ಐಪಿಒ) ಪ್ರಕ್ರಿಯೆ ಪೂರ್ಣಗೊಂಡ ಬಳಿಕ ನಿರ್ದಿಷ್ಟ ಕಂಪನಿಯ ಷೇರು, ಮಾರುಕಟ್ಟೆಯಲ್ಲಿ ಸ್ಥಾನ ಪಡೆದುಕೊಳ್ಳಲು (ಲಿಸ್ಟಿಂಗ್) ಇದ್ದ ಆರು ದಿನಗಳ ಕಾಲಮಿತಿಯನ್ನು ಮೂರು ದಿನಗಳಿಗೆ ತಗ್ಗಿಸಲಾಗಿದೆ. ಭಾರತೀಯ ಷೇರುಪೇಟೆ ನಿಯಂತ್ರಣ ಮಂಡಳಿಯು (ಸೆಬಿ) ಆಗಸ್ಟ್ನಲ್ಲಿ ಈ ಬದಲಾವಣೆ ತಂದಿದೆ. ಸೆಪ್ಟೆಂಬರ್ 1 ಅಥವಾ ಆ ಬಳಿಕ ಐಪಿಒಗೆ ಬರುವ ಕಂಪನಿಗಳಿಗೆ ಈ ಲಿಸ್ಟಿಂಗ್ ನಿಯಮವು ಐಚ್ಛಿಕ ಆಗಿರುತ್ತದೆ. ಡಿಸೆಂಬರ್ 1ರ ನಂತರ ಐಪಿಒಗೆ ಬರುವ ಕಂಪನಿಗಳಿಗೆ ಕಡ್ಡಾಯ ಆಗಿರಲಿದೆ ಎಂದು ಸೆಬಿ ತಿಳಿಸಿದೆ.